馬國明自製黃V 手動認證個人微博：希望大家多啲幽默感
撰文：鄺鈺瑩
出版：更新：
馬明未獲微博認證，於是自製認證圖片，但有粉絲以為佢不知認證為何物。
向來與社交平台「絕緣」嘅馬國明，上月底終於開始玩微博！而第一個po就係晒出與黃宗澤、吳卓羲合照，並寫上「合體了！」之後馬明亦差不多每日一po，但內容就極為簡單，例如係「<飛虎之雷霆極戰> 記者會 」、「希望大家繼續支持 "降魔的 2"」……
之後每張相，馬明都自加紅V，行為勁可愛。
雖然悶就悶啲，但馬明開通微博短短幾日就已經有近七萬多粉絲follow，走勢都算強勁，但未知是否仍未熟悉微博操作，所以馬明至今未仍未被認證，有粉絲更在留言tag黃宗澤，叫佢教教馬明如何才能得到微博個人認證(紅V)，見到粉絲咁心急，馬明於是就上載了一張v字手勢嘅相，並表示「V認証來了……yeah」
直正紅V是咁的。
之不過，呢種馬明BB的幽默怕且國內粉絲唔多get到，更企圖糾正馬明「是那個認證不是這個認證」，結果馬明再次發文解釋，「仲有人誤會我唔知什麼叫認証……真係冇眼睇……希望大家多d幽默感 啦…」、「仲有 說要……右下邊……又說要 黃V……好啦好啦……俾你地啦…」而馬明今次上載嘅照片，右下角有一個自製紅V，而之後佢每張照片，亦同樣加上呢個山寨紅V，就連頭象圖片亦都有，真係可愛到爆！其實要得到紅V呢個認証，只要將相關資料提交予新浪申請就得架啦……
愈睇愈可愛!