袁澧林淡定面對萬人迷 見到泰達史雲頓最緊張
撰文：趙允琳
出版：更新：
萬人迷碧咸（David Beckham）、袁澧林（Angela）、陳凱琳（Grace）及余德丞（Dickson）昨日（14日）出席鐘錶品牌活動，第一次見到碧咸真人的Angela表示既緊張又興奮：「碧咸呢個名我由細聽到大，就算你唔睇波，好似我咁無特別睇足球，都已經知道佢係邊個！佢一出嚟全場靜晒，佢去到邊我就望到邊！」
袁澧林（Angela）和碧咸合照時看似一臉淡定，原來她當時超級緊張的！（陳順禎攝）
被問到以往有否試過見到巨星而感到面紅心跳，Angela說月頭在出席一個泰國時裝展時見到英國著名女演員Tilda Swinton（泰達史雲頓）就正正是這個感覺：「Tilda Swinton坐喺我對面一齊食晚飯，隔離又有一啲國際級導演，嗰個感覺真係好唔真實，因為覺得好幸運地自己被編排咗喺對面，仲可以同佢一路對話。我全程都忍唔住想望住佢，因為大明星就係有一種咁嘅氣場！」
Angela說月頭出席時裝展時與英國女演員Tilda Swinton同枱食飯令她小粉絲上身，面都紅曬！（視覺中國）
日前Angela與日本超人氣攝影師川島小鳥合作拍攝香港景點及美食的特輯，原來已經不是第一次合作了：「之前就開始合作，因為佢係1年前先開始嚟香港影嘅，我係佢第一個被佢揀嚟影嘅女仔，所以好多時佢要feature香港嘅嘢佢都會搵返我。」Angela說這次拍攝自己也給了很多意見：「就算係影日本嘅雜誌要介紹香港嘅地方，佢都會問我想去邊度啊、揀咩茶餐廳啊，甚至髮型同衫都全部係我嘅主意。」
雖然今年經常做空中飛人飛到不同國家工作，Angela說現正忙於拍電影，工作更排至2月，所以短期內不會再飛了。（陳順禎攝）