【兄弟】國際級片頭製作靈感係乜? 有一幕參考咗《英雄本色》

撰文:
最後更新日期:

《兄弟》一劇,除劇情之外,亦有很多觀眾將焦點放在片頭片尾上。不少人也覺得,製作有別以往一向的片頭片尾,甚至乎高了一個層次,就連片尾的主角朱晨麗、江嘉敏亦異口同聲表示:「阿Tom拍啲嘢好靚。」

上篇文章(連結按此:【兄弟】精緻片尾搶眼網民讚 導演Tom:唔再係定格然後出字幕,製作《兄弟》片頭片尾的導演,無綫品牌傳播科高級監製Tom Chan就解釋了片尾製作的原由以及背後意思。除片尾拍攝三位女神做Gym的畫面吸引外,其實片頭三位兄弟(王浩信、楊明、伍允龍)打鬥場面亦拍攝得相當精彩。阿Tom透露,其中有一幕更是向電影《英雄本色》致敬的。

阿Tom話其中一幕係參考咗《英雄本色》張Poster。(網上圖片)

其實成個片都好精彩,好有打機同漫畫嘅感覺。(截圖)

「其中一幕三兄弟大頭,我有參考《英雄本色》張Poster,亦都可以講係致敬,因為我好鍾意《英雄本色》呢套戲。(有參考其他片?睇落有啲似《Suicide Squad》或者《Kingsman》最後嗰幕)哈,你覺得似咩?都係你提起我先諗到。其實我諗Project,唔會搵動態嘅參考,因為睇得到就好容易抄咗人哋個鏡頭,我通常都係上網睇好多still(靜態)去做參考。例如上IG睇下其他人嘅插畫,睇好多好多,咁就可以刺激個腦諗啲Idea出嚟。」Tom Chan說道。

創作係由0到1,最難嘅係0到1嗰下。有1之後,23456就可以一路做落去。
無綫品牌傳播科監製Tom Chan

《兄弟》條片個色彩都有啲似《攻殼機動隊》。(截圖)

Tom Chan解釋道,片頭希望給觀眾有漫畫以及打機的感覺,所以色彩較繽紛,又有「爆花」的效果。「片頭同片尾都用咗各2日時間去拍,片尾就易拍啲,片頭嘅話就喺旺角拍,會比較困難啲。因為旺角有好多人圍觀,又唔可封街拍,紅綠燈位仲要畀車過。」

片頭逐格睇:

+12
+11
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。