阿嬌鍾欣潼自嘲對佈置聖誕樹無天分 參與《爸媽學前班》獲益良多
撰文：朱奕錦
出版：更新：
鍾欣潼（阿嬌）今日（17日）出席聖誕節揭幕儀式，阿嬌以黑色冷衫襯Alice+Olivia彩虹珠片裙亮相活動，現場還有「My Melody」人形公仔，如童話世界一般。其實阿嬌本人都好鍾意公仔，不過現在有鼻敏感，所以要盡量避免，連貓貓狗狗都只可以送去媽咪家中。
下個月即將在港舉行婚禮的阿嬌心情大靚，透露自己都好鍾意公仔，不過現在鼻敏感，所以不可以將公仔同寵物放在家中。（黃國立攝）
活動上，阿嬌還同粉絲現場佈置聖誕樹，不過她自嘲不擅長做這些：「其實呢，我喺佈置方面就冇乜天分嘅，都唔係佈置得好靚，成日覺得人哋嗰啲聖誕樹點解咁靚呢，上年聖誕節係跟Michael一齊過，咁本來諗住一齊佈置聖誕樹嘅，咁但係最終都係佢叫咗一個朋友準備啦，咁嗰顆聖誕樹仲擺咗喺屋企，嗌咗佢去處理，但呢顆樹應該可以用返嘅，如果我哋有時間嘅會嘗試去佈置囉。」
除了和粉絲互動之外，阿嬌還大開金口，獻唱《下一站天后》，令在場粉絲尖叫不已，人氣相當高。
阿嬌不止同粉絲互動，現場還大唱金曲《下一站天后》，將氣氛推向高潮。（黃國立攝）
阿嬌同老公賴弘國（Michael）早前一齊拍攝的內地真人騷節目《爸媽學前班》正在熱播，阿嬌表示透過節目也獲益良多：「學到好多嘢，成個人心境開朗咗啦，同埋個心態變咗囉。咁我覺得結婚係人生另外一個開始啦，都係互相學習啦。（加強咗做父母嘅信心？）其實我都好鍾意小朋友嘅，咁會學習囉，我去呢個show，佢嘅主旨係（教你）點樣湊小朋友呀嘛，我覺得好有意義，所以先參加。有冇信心…我覺得每一個父母都嚮學習中嘅。」而不少網友在看節目時都大讚阿嬌溫柔體貼，相信未來她一定是一位廿四孝媽咪。
阿嬌坦言參加《爸媽學前班》獲益良多，不止心境開朗不少，心態也有變化，是一個好有意義的節目。（黃國立攝）
下個月20號就是阿嬌同Michael舉行婚禮的大日子，她透露已經準備得七七八八，問到婚後的第一個聖誕節會不會好特別，阿嬌則說：「喺我心目中，又冇分係第幾個嘅，咁都係一齊過啦，覺得開心就得喇。」至於聖誕禮物，阿嬌就尚未準備，不過可以同最愛的人一齊過，相信已經好幸福。
+3