汪明荃IG自創新玩法 潮爆TAG人方法陸浩明都即跟

撰文:
最後更新日期:

之前有啲小學生喺街訪中話:「Facebook係老嘢先用。」時下年輕人都已經轉投其他社交媒體懷抱,IG係其中一個熱門之選。唔少藝人都有開IG帳戶,簡簡單單分享靚相加啲hashtag,又可以tag朋友方便share合照。汪明荃汪阿姐上個月都開咗IG 戶口,佢仲發掘咗個新玩法,大家學嘢啦﹗

汪明荃10月9號開IG,短短41日已經有58個POST,相當勤力。(汪明荃IG)

10月9號汪阿姐正式開IG,仲UPDATE得相當勤力,無論人在香港內地定出埠登台,幾乎日日UPDATE新相,有時仲一日幾個POST開戶口短短41日已經有58個POST。早前佢出席保良局盆菜宴就發生件爆趣事件,成為網友熱話。

汪阿姐幾乎日日都有靚相分享。(汪明荃IG)

即使出埠工作汪阿姐都不忙Update。(汪明荃IG)

汪阿姐當日有份上台表演,著上紫色閃閃背心裙近6吋高跟鞋,同一班小朋友載歌載舞。表演完後汪阿姐到台下就座食盆菜兼欣賞表演,影落唔少相放上IG同大家分享。平時大家POST相TAG人係用軟件內置功能TAG對方帳戶,但汪阿姐就發明新玩法:手寫TAG人﹗朱咪咪蔡康年就咁寫人名,而一班高官總理可能大家未必太熟悉,汪阿姐就好貼心咁,將頭銜都寫埋上去,真係好貼心呀﹗

同人合照TAG返張相俾人是常識吧,汪阿姐仲驚大家唔認識對方,寫埋頭銜出嚟。(汪明荃IG)

5人合照真係個個都寫齊人名同頭銜架﹗(汪明荃IG)

話時話,以手機寫字嚟講,汪阿姐手字真係好靚,仲再次成功帶領新潮流﹗見到陸浩明星期日晚台慶綵排時,上載嘅大合照中,都學阿姐咁手寫TAG人,跟得好貼呀下,大家要好好學習啦。

汪阿姐成功創出新潮流,陸浩明都即刻跟風,不過手字就要再練下先啦。(陸浩明IG)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。