【多圖】湯洛雯被指暗撻姚子羚有米舊愛鄭子邦:總之係好朋友

撰文:
最後更新日期:

靚湯同鄭子邦一齊參加王大業個生日Party。

31歲的湯洛雯(靚湯)自從今年3月宣布與拍拖4年多的羅天宇分手後,就回復了單身,至今一直未有拍拖的消息,她亦對外表示自己仍未有男朋友。不過最近就有報道指靚湯原來已經秘密暗撻姚子羚的舊愛,身家過億的富豪鄭子邦。有讀者爆料兼影到靚湯同鄭子邦於皮草太子爺王大業Andy的生日派對上表現親暱,且不時有身體接觸。

靚湯同鄭子邦當晚好玩得埋,仲不時走埋一齊。

當晚靚湯穿上迷你裙大騷一對美腿,相當養眼,同場的靚女還有陳靜、龔嘉欣、周汶錡、莊思敏以及莊思明等。而靚湯就與鄭子邦最玩得埋,全晚都好好傾,又經常好似孖公仔咁走在一起,期間鄭子邦更用背脊貼住靚湯身前,挨實靚湯並從後伸手摸靚湯的大髀。而靚湯被摸後亦完全沒有表現抗拒,反而好受落,又用手扶住對方條腰,兩人的舉動儼如一對熱戀中的情侶。

靚湯嗰晚都有騷美腿。

湯洛雯接受《香港01》電話訪問時,被問到是否與鄭子邦拍拖,又可有發展的可能?她表示:「唔係呀,有朋友生日所以成班朋友去慶祝。總之都是好朋友,好感激大家咁關心我嘅感情生活,不過我依家真係單身呀,工作亦好開心,如果將來有好消息我一定會同大家分享。」

佢話同鄭子邦係好朋友,又話自己依家無男朋友。

鄭子邦係姚子羚舊愛。

一齊睇下靚湯有幾索啦,又睇下佢同鄭子邦襯唔襯。

+26
+25
+24


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。