周杰倫貴陽演唱會過百手機被盜 網友召喚罪犯剋星張學友任嘉賓
撰文：洪曉璇
出版：更新：
去到人多擠逼嘅地方，要小心看管自己嘅財物，小心扒手。去睇演唱會次次都成千上萬人，周杰倫17、18號於內地貴陽舉行演唱會時，居然發生上百宗偷竊案，令人嘩然。
周杰倫去到貴陽繼續舉行世界巡迴演唱會。（周杰倫IG）
周杰倫嘅《地表最強2》世界巡迴演唱會由今年1月開始於新加坡起跑，11月17、18日到內地貴陽市奧林匹克體育中心演出。周董個唱一貫演出水準不在話下，但奇就奇在呢兩晚演出居然出現過百宗手機失竊案，由出入口檢票處、演唱會場內及離開時等車，都係被偷竊黑點。
周董喺台上落力演出之際，應該估唔到台下發生咁多偷竊案。（視覺中國）
受害者也成立「周杰倫演唱會手機被盜群」，而且已經報警求助，相信係有組織集體犯案。有網友對演唱會保安漏洞感到愕然，亦搞笑話「應該召喚張學友擔任嘉賓」，事關每次張學友開騷都會拉到在逃犯人，可謂警察嘅朋友，罪犯剋星，唔知周董之後開騷會唔會考慮一下呢？