黑澀會丫頭為慳錢連凶宅都住 23歲賺第一桶金30歲兩豪宅揸手

撰文:
最後更新日期:

因為規定自己每月只可以用兩千元,丫頭試過由學校行40分鐘返屋企。

前黑澀會美眉(又稱黑Girl)成員之一嘅丫頭(詹子晴)唔經唔覺入行13年,雖然丫頭喺戲劇、電影甚至主持作品都唔算多,但現年30歲嘅佢原來已有兩層過千萬台幣嘅樓揸手,而佢有份投資嘅茶飲店「不要對我尖叫,日常茶間」於台灣有12間分店之多,上月更殺入香港,於中環開設分店。
 

丫頭曾自爆有老闆開價30萬要包養她,但後來老闆出面表示係丫頭主動提出包養,雙方各執一詞。

丫頭早前於節目《單身行不行》分享佢嘅存錢方式,連理財專家聽完都不禁比個叻佢。單親家庭出身嘅丫頭,求學時期為減輕媽媽負擔,中二就已經喺餐廳打工,雖然時薪只係得台幣65元(約港幣16元),但佢依然存到台幣1萬元(約港幣2,500元)。為咗慳錢,丫頭寧願連街都唔行,控制自己一個月只能用台幣2,000元(約港幣500元),「在悠遊卡存兩千塊,一個月就只能用那兩千塊,超過了,就自己走路或不能再買便利店的東西了。」呢個方法更係沿用至今,聽落都幾不可思議,但又確係令丫頭23歲就存到人生第一個一百萬。「假設跟朋友吃飯,我會說因為沒吃前菜、沒喝飲料,所以少付兩百塊;有工作時如果一定要坐計程車,也會問司機可不可以算便宜點,當時臉皮很厚,但這樣一個月生活費不超過八千。」

當年嘅前黑澀會美眉。

丫頭話用咗八年時間存到首期,而佢第一間屋係買嚟比媽媽同細佬住,而自己就繼續租屋。「因為我錢滾錢賺得更快,所以開始有一些理財投資,於是今年就買了第二間,大概是1,800萬,三房兩廳。」講到租樓,丫頭於節目中透露曾經因為貪便宜,所以租到鬼屋。「回家看到燈是亮的,家裏有人,想按電鈴叫媽媽弟弟開門,但等很久都沒開門,進門看到是黑的,於是趕快離開,等媽媽回來再進去,但我回頭看一下時,那個燈又打開了,但我家真的沒人。」

丫頭日前於ig story分享豪宅冰山一角。

丫頭雖然十分孝順媽媽,但佢媽媽有好嘢都只會留畀細佬,原來係「兒子會養她,女兒嫁人就不會」,令佢耿耿於懷。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。