【是咁的,法官閣下】黃子恆麥明詩感情線成焦點:呢種關係好美妙

撰文:
最後更新日期:

台慶劇《是咁的,法官閣下》播出以來,受到不少好評。除了飾演大律師的黃智賢和資深大律師的關禮傑演得入形入格外,飾演事務律師的黃子恆更被網友大讚是劇中「最有型律師」。黃子恆在劇中除了外形和演技均獲大讚,他和下屬麥明詩的感情線亦成為焦點。

又真係幾有型嘅!(IG圖片)

劇中講到上司下屬關係的黃子恆和麥明詩漸生曖昧,但久久未能撻著。黃子恆接受《香港01》訪問時就透露好享受與麥明詩的關係,他笑稱:「其實喺劇入面,我同麥明詩係一種比較現代愛情嘅感覺,即係彼此都好明白大家。知道大家有啲,呢種關係係最美妙,算係一種神交。」他又指自己人生最被影響就是感情,他坦言:「其實我好多時都冇咩所謂,但偏偏最容易令我嬲或者發脾氣,只會係另一半。可能有時行得埋會傷心,反面保持距離,幾舒服。」被問言下之意是否暫時不考慮拍拖,他就笑言:「好女友可遇不可求,有時啲嘢擁有先失去,未擁有就唔會失去。我暫時都好享受同人保持一段距離嘅關係。」

二人在劇中漸生曖昧(劇照)

神交大家覺唔覺得好浪漫?(IG圖片)

黃子恆亦感謝觀眾對劇集的支持,他稱:「因為我上年演好多奸角,今次終於演到一個正能量的角色。雖然演奸角都好好玩,但都驚觀眾會睇厭。(呢個角色難度大唔大?)都幾大,因為呢個角色好多感情都唔係用對白嚟表達,所以好靠表情去演出嚟。而且依家演嘅時候,好少有得睇playback(回放),所以我雖然開緊另一部劇,但我都會追返每一集,睇自己表現成點。」

劇中一班演員感情相當好。(IG圖片)

至於有眼利的網友發現TVB台慶當晚,發現黃子恆全晚僅僅只有兩個鏡頭和還有開場時被問支持誰時,只有回答「蔡思貝」三個字,疑似被公司冷落。對此,他就解釋:「其實通常台慶都冇嘢講,多數都係坐定定。而且今年我冇份表演,我都覺得好彩嘅,因為開緊《機場特警》,冇時間練,廢事跳得唔好又要上台。」對於12月舉行《萬千星輝頒獎典禮2018》有沒有信心得獎時,他就稱:「都有㗎,咁講係咪好衰?但因為呢部劇真係好創新,成個團隊都花咗好多努力,希望都有個獎勵畀我哋。」

全晚唯一的大頭。(電視截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。