【女人四十】田蕊妮Speed dating似見工?「香港王思聰」語出驚人

撰文:董欣琪
出版:更新:

香港人工作繁忙,連交友都無乜時間,於是Speed dating(極速約會)逐漸成為香港不少男女結識異性的方法之一。無綫節目《女人四十》新一集中,田蕊妮放低人妻身份,體驗Speed dating,面對三位優質男士,阿田又會點揀呢?

阿田上到約會公司首先就被猶如「查家宅」的填表過程嚇親,除了身高、體重、職業這些基本資料之外,還要求出示畢業證書,難怪阿田都大嘆:「咁麻煩?」但最令她頭痛的,就係還要做一份有200條問題的問卷,對於「最討厭填Form」的阿田來講,絕對係一大挑戰呀。

要做成200條問題先可以了解人格?(電視截圖)

經過精挑細選之後,阿田揀咗幾位男士約會。第一位就係電競公司創辦人Derek,阿田形容成個過程好似見工咁,講嘢中英夾雜,令她忍不住問:「英文係你Main language呀?」不過最令阿田O嘴的,都係Derek那句:「男性荷爾蒙太多」,呃,自稱無咩不良嗜好的Derek,「唔賭、唔食煙、少飲酒」,所以「對異性嘅需求大少少」,呢番偉論一出,即時掀起網友熱議,呢位Derek先生頻頻語出驚人,純粹係博出位?

其實Derek鍾培生的背景絕對不簡單,他出身於富裕家庭,爺爺為已故「工廈大王」鍾江海。Derek16歲時以拔尖身份入讀美國南加州大學,主修數學與經濟,2013年,他放棄投行的高薪厚職,鎖定電競市場並創辦電競公司,更被稱為「香港王思聰」,2018年入選福布斯《亞洲30 UNDER 30》的「消費科技」項目。翻看Derek的Facebook,這位富三代身邊都不乏年輕貌美的女士,看來都「艷福不淺」呀。

+1