劉德華卧床期間要靠護士遞尿壺：冇得再扮劉德華
撰文：鄺鈺瑩
出版：更新：
劉德華去年於泰國拍攝廣告時墮馬受傷，休養大半年後復工，日前佢作客商台節目《雲妮鍾情》時，談到意外後對很多事情的看法變得不一樣。「人生係咪無常？唔係，係正常，所以有啲嘢要接受同面對。」華仔指以前只係覺得需要注意飲食，但意外後才發現原來生活上的行為都要小心 。
劉德華與Vani相識28年，早前接受對方訪問時無所不談。
劉德華去年於泰國拍攝廣告時墜馬受傷，返港休養近8月個月。（視覺中國）
但問到意外後是否變得比較不在乎外間的聲音，華仔就馬上話唔係：「跌一跌就唔介意？唔會！其實無變過。唔會跌一跌就叻咗，只係明白多一樣嘢，會突然有嘢影響你全盤計劃，人生所有嘢準備好晒要停。我自己覺得當我卧床3個月，以為可以落地行，原來唔得仲要坐輪椅，坐輪椅又要4個月。」他指由意外到休養接近8個月時間，由於並非時時刻刻都有人在身邊照顧，所以臥床期間他已練習用雙手由床上落輪椅去廁所。「而喺呢個階段前，你要接受姑娘遞個尿壺畀你，第一日、第二日好尷尬，到第三日覺得佢做嘅嘢，角色一定要清潔，唔係話病嘅時候『我都要係劉德華』，冇得扮，惟有你話畀佢聽我靚仔喺心靈，用第二方面再呃過佢。」
華仔話跳台救歌迷後，大家都變得守規舉。（視覺中國）
節目中，華仔亦有提及當年演唱會跳落台救歌迷一事，他指事後其實都有少少內疚。「冇諗過互聯網世界咁open，自己覺得真性情表達係OK，唔係憤怒，係覺得點解會係咁。其實我之後都講過，係因為歌迷突破了規舉。才令到保安有所動作，搞到我都犯法。」