更生歌手韓子亮TL又有新搞作 孖泰國整容男神赤裸上身拍廣告
撰文：黃欣華
出版：更新：
受泰國某酒店邀請的歌手韓子亮（TL）上星期飛到芭提雅，與整容逾30次、由大叔變鮮肉的當地男網紅金民豪分別為同一酒店拍攝宣傳片。一向「惜肉如金」行韓風的TL為了配合陽光與海灘的泰國，不惜「處男下海」，赤裸上身上陣！不過怕醜的他卻以獨角獸浮床「遮遮掩掩」，始終緊守「兩點」，最大尺度只是看到「肉背」。
整容前的金民豪，都唔算太差！（網上圖片）
TL與現時的金民豪。
對於金民豪30次整容，TL說：「我覺得佢整容真係一個好成功嘅例子，都幾自然，雖然佢整咗30次可能係一件好辛苦嘅事，同埋冇人知道佢痛楚，但起碼佢呢一世係會賺得返。」雖然有見金民豪整容後即刻由醜八怪變成人生勝利組，不過TL就指不會考慮整容，他笑說：「我唔考慮喇，因為我個樣又冇佢未整之前咁差，咁我依家覺得正正常常，唔係好醜樣，又唔係好靚仔，夠做㗎喇！因為人比人、比死人，如果真係去整，整完啲人又可能覺得你唔整靚啲，唔整就最好喇。」TL又透露此行跟金民豪有傾談合作：「之後可能有機會大家一齊拍旅遊節目。」
TL與「艷遇」。
一首《Party with TL》唱到被90、00後奉為「歌神」的TL，去到泰國都不忘要繼續Party！收工後，TL「獨自去偷歡」到芭提雅內最大型的「荷里活酒吧」夜蒲，其間更有「艷遇」，有名泰國型男上前主動搭訕，TL最後亦有禮貌地應要求與對方頭貼頭合照。除了夜蒲外，TL還去了親親大自然，去野外嘗試了玩繩網，一展運動細胞。