【大帥哥】幾時再拍廣東話劇? 張衞健:可能Never again

撰文:
最後更新日期:

《萬千星輝頒獎典禮2018》昨日(23日)公布提名名單,雖然張衞健(Dicky)主演的劇集《大帥哥》還未開播,但佢已經憑住這部劇入圍角逐視帝寶座。今次係Dicky相隔21年重返「娘家」TVB拍劇,佢日前出席宣傳活動時,為了隆重其事,大會特別安排樂隊及軍車接載Dicky出場,除了一眾演員之外,TVB高層曾勵珍同樂易玲都有現身撐場,可見Dicky地位超然。

張衞健獲兩位高層撐場,分量十足。(梁碧玲攝)

+3
+2

Dicky舊年獲曾勵珍邀請回巢拍劇,有傳《大帥哥》原本被安排作為台慶劇播出,但最後定於12月3日播出。劇集幾經波折終於可以同觀眾見面,佢在台上都感性表示:「其實係我喺開機之前已經開始唔捨得呢部戲,點解呢?因為我喺開機之前同自己講過,問我自己,下一次張衞健再用全廣東話去拍一部長劇係幾時呢?我自己答唔到自己,可能係出年,可能就never again.」Dicky咁講,觀眾的感覺就如被潑冷水,唔通真係無機會再聽到Dicky的金句?

Dicky真係唔會再拍廣東話劇?(電視截圖)

Dicky當年離開TVB外闖,一走就好多年,佢更曾經表示感覺好似不辭而別,所以好想再拍返套劇嚟還俾香港觀眾。但Dicky在活動上的一番說話,相信都令大家不免感到可惜,希望佢今次的暗示,只係一時感觸,畢竟觀眾都好掛住那個型到跌渣的「我係如來佛祖玉皇大帝觀音菩薩指定取西經特派使者花果山水濂洞美猴王齊天大聖孫悟空」呀!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。