【鋒味】Chef LeMon孖吳彥祖用腳踩葡萄酒:看起來不太開胃

撰文:鄺鈺瑩
出版:更新:

Chef Le Mon新一季《鋒味》開播,首集搵嚟台灣女神林依晨做嘉賓,不過,成集最好睇嘅一定係彩蛋部分。

Chef Le Mon同林依晨唔係太熟,所以整集都十分平淡。

早前Chef Le Mon自己都有預告過搵咗吳彥祖做嘉賓,二人遠赴希臘飲飲食食,彩蛋中,吳彥祖同Chef Le Mon見到當地嘅小朋友用腳踩葡萄汁釀酒時,甚感興趣,於是提議一齊踩。其實喺未機械化壓榨之前,大部分葡萄酒都係用腳踩的方式釀製而製,之不過,就畫面所見,吳彥祖同Chef Le Mon只係用水簡單咁洗腳,而吳彥祖仲話盤水唔知有幾多人洗過……而啲葡萄亦唔係放喺大形器皿之上,而係地下,再流到外圍嘅鐵桶,雖然好似唔多衛生,但就保証夠天然。

Chef Le Mon同吳彥祖用腳踩葡萄釀酒,落腳前都有係咁用水洗洗……

話晒都係自家製,Chef Le Mon當然要試試,不過當佢打開塊隔渣過濾布時,都忍唔住講咗句「看起來好黑」,而吳彥祖就直情「Oh my God」。見到杯腳工葡萄酒啡色得嚟又有少少混濁,Chef Le Mon同吳彥祖都面有難色,但一句「You drink I drink」之後,吳彥祖一口氣飲晒,而Chef Le Mon就品酒一樣,味道如何呢?佢哋都異口同聲話好甜,仲話呢啲先夠organic。

兩個都踩得好開心。

之後二人各自「邀請」經理人試味,但Mani就十分抗拒,仲話:「整個過程我都看到了,吳彥祖只輕輕地洗一下腳,霆鋒洗了兩次,如果這酒我喝了就死定了。」最好笑係Chef Le Mon不停咁話「新鮮嘅汁係啡色,蘋果汁鮮楂都係啡色唔係金黃色。」並指呢杯係直直正正嘅LA FEET。
 

啲色澤好似有少少奇怪……
+4