林秀怡被傳搭上無綫PA 親認已拍拖兩年:視佢為結婚對象

撰文:
最後更新日期:

林秀怡喺《是咁的,法官閣下》嘅演技備受讚賞。

近日憑住無綫台慶劇《是咁的,法官閣下》而人氣急升,現年27歲的林秀怡 (Kirby),除了演技備受讚賞之外,她的私生活亦都備受關注,就連坎坷的身世亦被報道。於單親家庭長大並與媽咪相依為命的Kirby,為養家而身兼多職,早前為了醫治患癌的媽媽,仲用晒多年積蓄,絕對是乖乖女一名。她又感激男友於這段期間對她的支持,且愛屋及烏十分照顧她的媽媽。

Kirby同佢媽咪感情好好。

不過今日竟然有報道指Kirby搭上了一名無綫助理編導Kevin Leung,指二人愛得癡纏兼打得火熱,還被拍到疑似在車廂內咀咀的照片,之後就雙雙返回男方的寓所。成件事寫到好似她背住男朋友偷食咁!然而事實卻並非如此,Kirby接受《香港01》記者電話訪問時表示:「嗰個咪就係我依家個男朋友囉,佢之前係做PA,最近已經升咗做導演,可能因為咁樣令人誤會係兩個人嚟。」

Kirby嘅水着look好吸引。

Kirby透露自己同男友拍拖兩年,對感情認真專一的她,當然不會派帽給男朋友啦。她還大讚男友說:「我哋係拍嘢時認識嘅,專一工作嘅男人特別吸引,嗰時覺得佢個樣好型。佢好細心,好文靜又純品,係個暖男嚟,見我忙到無時間,仲會主動嚟幫我執屋,同埋好多謝佢咁照顧我媽咪,我媽咪進出醫院都係佢幫手車出車入。」Kirby坦言經已視男友為結婚對象:「佢好愛我,會將我擺喺第一位,希望30歲前結婚。我都feel到媽咪好錫佢。」而她就笑言男友在她心目中只係第二位,第一位是她媽咪。

佢好多謝男友一路以嚟嘅支持。

佢視男朋友為結婚對象。

一齊睇下Kirby啲靚相啦。

+12
+11
+10


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。