【是咁的,法官閣下】蘇可欣處女劇做黃子恆前度 獲讚眼神夠絕

撰文:
最後更新日期:

台慶劇《是咁的,法官閣下》踏入結局篇,最新一集講到賴律師(黃子恆飾)和夏律師(麥明詩飾)找來賴律師前女友兼調解員Terry(蘇可欣飾)處理侍應索償案,雙方律師爭持不下,但最終麥明詩憑細心緩和氣氛,成功調解案件。當中蘇可欣要一口氣解釋調解員如何協助調解雙方達成協議,避免對簿公堂,對新人來說可謂一大挑戰!

首次正式拍劇的蘇可欣,拍攝前深怕會NG造成別人不便,因此她事前做足功課:「今次拍呢場戲講咁長對白,其實我好興奮。因為呢套戲係我入行以嚟第一次真正拍嘅劇,所以驚背唔熟啲對白,會係咁NG,所以我背咗好耐!(最後幾多次先完成?)嗰場戲我背得太多次, 所以冇乜點NG到。」

蘇可欣曾參選《2016年度香港小姐競選》,入圍20強。(IG圖片)

蘇可欣演調解員,表現淡定。(電視截圖)

與黃子恆演對手戲 蘇可欣獲益食多

蘇可欣又透露劇中和黃子恆有一場對手戲,她稱:「其實有一場flashback嘅戲,佢知道我係新人,所以好多位都有教我點樣去做。(佢係咪好照顧新人?)係呀,佢會教我點樣走位同代入啲乜嘢感情落去,加上監製都有親自嚟睇。(監製有冇讚你?)嗰場係分手戲,佢話估唔到我啲眼神可以去到咁絕。」

二人將會有單對單對手戲。(電視截圖)

+10
+9
+8

為拍《3日2夜》 蘇可欣搵教練操馬甲線

蘇可欣早前與鄭衍峰去到泰國清邁拍攝旅遊節目《3日2夜》,從她在IG上載拍攝花絮的照片,可見蘇可欣明顯清減不少,馬甲線仍相當明顯,她稱事前的確有努力keep fit:「今次我特登揾埋教練操,操咗12日左右就出發,都減咗8磅。操嘅時候變咗一日食5餐,不過每餐都要磅住食幾多克的蛋白質同飲增肌奶粉,食得好清淡。」

馬甲線好明顯,看來下了不少苦功,(FB圖片)

蘇可欣稱與Leonard 一齊拍好輕鬆,上次第一次好緊張,今次佢喺到又會講下笑。

懶理緋聞 蘇可欣每月放假即飛泰國

蘇可欣曾被傳與泰國電影《出貓特攻隊》中的Nonkul(賓爺)做訪問而撻着,問到她對「泰國」兩字是否特別敏感時,她就大方稱:「唔敏感呀,我仲好恨去泰國添。(着得咁性感泰國好朋友會唔會詐型?)冇所謂嘅,但我都有話佢知我喺泰國拍節目,到時節目出街叫佢支持下。(而家對泰國係咪特別熟悉?)基本上每個月都會飛過去泰國,因為我真係好鐘意嗰到。」

Nonkul勁有型!(IG圖片/@nonkul)

唔知Nonkul畢業,蘇可欣有冇咁啱喺泰國呢?(IG圖片/@nonkul)

實爺正向洗腦:減肥係對自己身體好!

蘇可欣亦提到辛苦減磅時,好友賓爺都有給予鼓勵,她稱:「係Non(賓爺)對每件事認真嘅態度令我咁肯去減肥,因為佢成日話自己都唔相信自己,咁一定唔會成功。仲成日話減肥係對自己身體好,做咗幾多唔係為任何人,係為自己,正向洗腦。」

她稱今次最難忘是拍水燈節,因為個環境真係好浪漫。(IG圖片)

+20
+19
+18


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。