「佛系」陳貝兒被朋友邀請去年尾派對：佢哋話介紹新朋友畀我識！
撰文：趙允琳
出版：更新：
陳貝兒（Janis）今日（29日）出席珠寶品牌活動，大顯身手即場親手製作首飾碟。Janis直言自己很喜歡做手作，尤其是在下廚方面。近日報讀了法國專業甜品課程的Janis經常在社交網站分享烹飪成果，在各種甜品中，她說最困難是整酥皮：「牛角包、千層餅嗰啲碌到我手都軟！但係食落去又真係自己搓嘅先係最好味。」
陳貝兒（Janis）、張寶兒、柳俊江及陳蕾今日（29日）出席珠寶品牌活動。（梁碧玲攝）
田蕊妮（阿田）的節目《女人四十》近期熱播，與Janis早前主持的《嫁到這世界邊端2》一樣都以女人為中心，Janis說曾被阿田邀請過上節目做嘉賓，但很可惜最後沒機會：「嗰時拍緊嘅時候我出緊埠，所以撞唔啱時間，但係我哋私底下都有交流下女人嘅心得。」
Janis說自己被老師讚她做甜品有天份，很有機會被保送到法國到當地的星級餐廳實習幾星期，向做甜點師傅這個夢想在邁進一大步。（梁碧玲攝）
阿田在節目上有幫助單身女性找對象的環節，Janis有沒有試過幫身邊朋友「牽紅線」？她笑言自己反而是被朋友介紹的對象：「佢哋都好關心我，但我係呢方面好『佛系』，有緣分就自然會出現。」她透露尤其臨近年尾，很多朋友邀請她去不同的派對：「佢哋話介紹啲新朋友畀我識，我覺得識多一個朋友係開心嘅，但要發展啲咩嘅話，其實我覺得自己一個人都好開心。」
Janis表示節目《嫁到這世界邊端2》受到觀眾喜愛已經是最大的成功，直言入圍《萬千星輝頒獎典禮》已經等於「攞咗獎」！（梁碧玲攝）