【是咁的,法官閣下.劇透】蝦頭愛梁烈唯愛到要死:呢份情係好大

撰文:
最後更新日期:

《是咁的,法官閣下》周6(12月1日)大結局,劇中幾條感情線:麥明詩同黃子恆、黎振燁同林秀怡都點到即止,反觀梁烈唯飾演嘅Charles同蝦頭楊詩敏飾演嘅秘書Anna,一個唔覺意發生咗肉體關係,但由於Charles嘅冷淡,令情竇初開嘅Anna傷心走上絕路,蝦頭接受電話訪問時表示,由於劇中太多感情線發展,難免會影響Charles與Anna的篇幅。「Anna一開始係唔鍾意Charles,因為成日點佢做嘢,但後來發現佢心地好好,仲幫咗Anna好多,於是日久生情。但Anna成世女都無拍過拖,所以上完床之後,就已經認定Charles,儘管Charles礙於面子唔肯承認愛呢個女人,但Anna唔會覺得呢個男人唔愛自己,因為Charles連自己身世都肯同佢分享,在佢來講係好特別。」

Charles同Anna講述自己身世,最後仲上床……

蝦頭指Anna之前的衣著打扮均又沉又暗,但愛上Charles後則打扮得十分鮮艷。她指當初收到劇本時,對Anna的做法感到十分疑問甚至不太認同,但監製向她解釋現實中,確有律師師資深女秘書為愛虧空公款,而雙方更有一定的年齡差距。雖然Anna未有為Charles犯法,但就選擇了更激進的做法。「我係會跳樓自殺,份保險受益人寫咗Charles,因為Anna好想佢好,但佢知道自己做唔到任何嘢,唯有用呢個方法成就自己嘅男人,所以呢份情真係好大。」問到Anna在20集與Charles發生關係後,翌日將放有錢嘅信封交到對方手上的用意是什麼,蝦頭笑著解釋:「嗰筆唔係肉金,只係Anna認為已經開始一段感情,所以想幫佢,咪比錢佢囉,但個timing錯晒。」
 

Anna諗住幫Charles,於是「塞」錢畀佢,但結果令到Charles勁嬲,更表示「我真係好後悔當你係朋友」

蝦頭指現實中,已經唔會對愛情咁衝動,並認為愛一個人並非單純地愛,當中可包含相處、維繫、探討等待,她更乘機為接下來演出的舞台劇《短暫的婚姻》大賣廣告:「我喺入面好正,係個離婚、有個囡嘅大律師,講嘢好啜核,同林海峰好多對手戲,但又會去溝潘燦良。」

Charles對Anna嘅死非常內疚。

+16
+15
+14


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。