【美女廚房】余潔瀅透露會有新嘗試 唔會同家姐余香凝比較
撰文：張嘉敏
出版：更新：
無綫第三輯的《美女廚房》經已圓滿結束，三位男主持包括蕭正楠、林盛斌、張振朗，以及一班美女學徒齊齊飯聚並欣賞最後一集節目的播映。身為美女學徒之一的余潔瀅 (Zoe) 亦有份出席飯聚，她坦言對於節目播完感到好唔捨得，她說：「已經習慣咗成班人一齊拍嘢，一齊玩，大家成team人好開心，所以拍完嘅時候都影咗好多相。」
Zoe話自己唔會同家姐余香凝比較。（黃國立攝）
這個節目是Zoe首個參與演出的電視節目，播完之後大家就不能夠每個星期都在電視上見到她了，她說：「我會出席多啲活動同粉絲見面，嚟緊會有新嘗試，但係暫時未透露得住。」Zoe自言對歌影視三個範疇都好有興趣，希望有機會可以拍劇拍戲同唱歌。她家姐余香凝有拍戲又有唱歌，在演藝界的發展唔錯，問到Zoe可會跟家姐比較，她說：「唔會，咁家姐入行耐過我咁多，我都想好似家姐咁忙。」