【美女廚房】麥明詩以V領短裙煮食 10A唔怕網民鬧：我都有嘢睇
撰文：鄺鈺瑩
出版：更新：
一開始準備材料時都無烏身呢個動作。
《美女廚房》最後一集請嚟6位最高分嘅嘉賓決一高下，當中包括麥美恩、張曦雯、黃智雯、麥明詩、龔嘉欣、蝦頭，第一回合，張曦雯、麥明詩同蝦頭應嘉賓要求，各自煮出「瑞士手工肉丸」、「忌廉鮮蝦濃湯」以及「油炸花生南瓜圈」，論廚藝，張曦雯絕對係係由頭帶到落尾，就連嘉賓林文龍都被吸引。
一轉身，先係騷美腿。
眼見眾人目光不在自己身上，身穿V領短裙嘅麥明詩突然表示：「喂，我都有嘢睇，烏身的話。」聽到阿Bob大叫「嚟料」，麥明詩就細細聲咁話：「我有諗過。」真係估唔到麥明詩會出動到事業線呢一招！一眾網民見到之後，都忍唔住問：「著到咁煮飯想點？」甚至認為麥明詩此舉有博上位之嫌，亦有網民指比起麥明詩早前疑似真空直播彈琴，v領騷事業線簡直係碎料。
再嚟事業線，仲怕大家唔知佢做咩，介紹埋「我都有嘢睇」
雖然麥明詩無論係打扮定表現都好賣力，但就因為煮燶菜同埋太鹹，令眾人大跌眼鏡，最後由張曦雯膺「終極美女廚神」。
麥明詩全集鏡頭都唔算多，但佢就好識搵位吸睛。
反觀張曦雯全程都好專心咁煮嘢食，最後仲贏埋。
+5