迪麗熱巴無懼北京寒冬　低胸裙出席珠寶活動引起暴動

身為N個品牌代言人嘅迪麗熱巴，日前於北京出席珠寶展覽，雖然當日天氣得3度，但熱巴以一身粉色刺繡紗裙現身，加上全程保持甜美嘅笑容，令人瞬間有大地回春感覺。

而為突顯頸上嘅珍珠首飾，熱巴呢日條裙係低V的，雖然見佢不時低頭用手護胸，但仍百密一疏，難逃路人「高炒」，事業線一出，一眾網友暴動。活動結束後，熱巴亦轉載品牌嘅官方圖片，同樣係引起網友暴動，留言如「這是什麽神仙顏值」、「被生圖驚呆了」紛紛出現。網友之所以咁大反應，相信係因為熱巴向來都甚少作性感打扮，就算係出席頒獎禮，都甚少騷事業線，難得呢日為珠寶首飾而以deep V裙示人，熱巴真係好稱職！

珠寶活動翌日，熱巴又再出席代言活動，雖然同樣係室內活動，但地點就係杭州，之不過，熱巴竟以皮褸加高領毛衣現身，差別代遇會唔會太明顯？！