被朱晨麗呻生日只收到短訊 何廣沛:啲女仔好麻煩!

撰文:
最後更新日期:

何廣沛今日(4日)出席商場聖誕開幕活動,他提到今年聖誕將會在忙於拍劇,很多約會都未能赴約,孝順的他表示希望能完成所有劇集拍攝後帶家人去旅行。

何廣沛稱小時候爸爸媽媽很老套,聖誕節不會送聖誕禮物,全部都是「折現」。(梁碧玲攝)

廣沛說大時大節不會買禮物給朋友,因為覺得為買而買失去買禮物的原意,而自己也一向對聖誕禮物沒有太大的渴求,但今年卻是例外:「最好就係收到「最佳劇集」嘅獎勵做聖誕禮物,頒獎典禮喺聖誕節前一個禮拜吖嘛,如果可以喺聖誕前收到呢個大嘅聖誕禮物就好!」

廣沛指大時大節送禮物都只是一個形式,反而平時會突然買份小禮物給對方,既細心又窩心。(梁碧玲攝)

不久前廣沛被緋聞女友朱晨麗(朱朱)投訴生日時只收到他的生日短訊,要「扣分」,他笑說:「收到我嘅message已經好好㗎啦!我唔係每個人都會send message㗎!我都有問佢幾時食生日飯,但大家都就唔到期。」廣沛更笑稱約女仔食飯好麻煩:「呢樣又話唔食,嗰樣又話唔食,呢度又話太多人唔食,又要搵啲好隱蔽又私隱度高嘅地方,好唔容易!」廣沛形容得這麼具體,難道就是暗示朱晨麗好難約?

廣沛希望《跳躍生命線》能得到「最佳劇集」,做他今年的聖誕禮物。(梁碧玲攝)

下星期好兄弟張彥博將開演唱會,廣沛透露「跳躍四子」將會做嘉賓:「我哋會跳一首之前無表演過嘅歌,當然唔係全新創作嘅歌啦,我哋都係翻唱,都係惡搞㗎啦。但係咩歌呢?當然我唔會披露,不過一定會載歌載舞,令全場氣氛炒到最高!」

何廣沛、羅天宇及郭子豪將會到張彥博於12月9日的演唱會上做嘉賓,「跳躍四子」繼扮完F4又有甚麼新搞作呢?(梁碧玲攝)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。