【後生仔傾吓偈】馮盈盈18歲唔止收HERMÈS袋:另一份禮物仲癲

撰文:
最後更新日期:

FYY 18歲時收到爸爸所送嘅厚禮,至今佢都係擺多過用,因為佢唔識點去襯。

最今一集《後生仔傾吓偈》以18歲為題,一眾後生仔除分享自己18歲後「解鎖」事項後,亦有講到18歲時收到嘅生日禮物,馮盈盈好認真咁話18歲父到爸爸所送嘅一份厚禮,仲即席拎出嚟,原來係個綠色嘅HERMÈS Picotin Lock Bag,大概三萬多元,雖然HERMÈS係唔少女士心目中的殿堂級手袋,但FYY收到呢個袋時,第一個反似乎唔係咁開心,並以「顏色好特別、好罕見」呢個作為掩飾。
 

6號一拎起個袋,即時當佢毛巾咁扭。

FYY表情勁好笑。

至於點解馮爸爸咁大手筆呢?FYY話爸爸覺得佢大個女,希望「用啲嘢要有taste啲、學識欣賞啲靚嘢。」講到呢度,麥明詩都忍唔住插咀表示:「佢對你係有呢方面教育,但你點解出到嚟係而家咁?」堪稱「大叔系女子」兼MK港姐嘅FYY只能尷尬一笑,更笑言連個袋點用都唔識,所以一直都係放喺屋企,之後仲被6號發現袋入面有吹氣膠袋(令包包不易變形,可惜FYY的袋中袋已漏氣),證明FYY真係極少使用呢份爸爸的禮物。「果陣我真係唔明個袋點解咁貴,但爸爸心態係大個女,要睇靚嘢,準備投入金錢、物質世界。」喺品味放面,雖然FYY都應該幾令爸爸失望,但至少喺眼光方面,佢都叫搵到位富貴醫生男友。

之後仲被6號發現手袋內有一串膠袋……

而其實除咗名牌手袋之外,FYY 18歲收過另一份厚禮,佢接受電話訪問時表示:「嗰時好鍾意Super Junior,咁啱又考完DSE,所以屋企人就送咗一個日本演唱會之旅比我,仲同埋我一齊癲,之前喺節目都有提過。其實嗰次好有意義,因為細佬有慢性病,要定時定候食藥,又唔可以去人多的地方,所以出門旅行唔太方便,但嗰次因為我要去癩,所以佢就成為受益者,亦係佢第一次去秋葉原,結果係買咗好多figure、好開心,自此佢就愛上日本,而且淨係識去東京,你話死唔死?咁嗰時都係一個好開心又難忘嘅回憶。」

一眾後生仔分享自己18歲的趣事時,麥明詩唔知係太攰定不感興趣,竟然當眾「放蚊」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。