【你咪理,我愛你!】細細粒床戰何遠東:互壓對方好辛苦

撰文:鄺鈺瑩
出版:更新:
細細粒同何遠東係未以為要跳降傘?

由王祖藍執導嘅賀歲片《你咪理,我愛你!》搵嚟唔少圈中好友友客串,當中包括最近喺大台劇《是咁的,法官閣下》「喊」贏網民歡心嘅細細粒(陳嘉佳),之不過,話明係賀歲片,當然唔需要再好似Bell咁哭哭啼啼,取之代之,係床上戲……而對手仲要係何遠東。

相個呢幕會令唔少觀眾帶嚟極強嘅視覺效果。

劇情講述新婚的何遠東與細細粒,在洞房之夜大玩「纏綿遊戲」,不過可能因為「久旱逢甘露」,二人因過份肉緊及投入,最終「樂極生悲」。為了表演出肉緊狀態,細細粒與何遠東應導演要求不斷大玩「上床版笨豬跳」,二人連續半小時不斷沿著大床跳上又跳落,雖然期間數度喘氣,但仍不減「熱情」,出盡全力配合導演要求,又不時擺出搞怪又可愛的表情,整個拍攝現場可謂充滿歡笑聲。

好重……口味。

縱然拍攝氣氛輕鬆,但二人拍攝「深情對望」鏡頭時卻能成功忍笑一take過,事後問到二人是如何忍笑時,二人異口同聲謂:「其實以我哋嘅身形,互相壓住對方係一件好辛苦嘅事,咁之前『跳大床』已經用咗咁多體力,如果喺呢個位因為忍唔住笑NG再浪費多啲體力唔抵啫。只要你唔想事後腰酸背痛,幾日落唔到床,就忍到笑架喇。」何遠東更笑言,事後回到家中才發現手臂有一大撻瘀傷:「拍嗰陣可能太投入,所以唔覺痛,返到屋企一望先知咁傷。粒姐破壞力真係好驚人呀!」

+1