【後生仔傾吓偈】馮盈盈Sponsor當禮物畀未來奶奶:成件事幾開心

撰文:
最後更新日期:

今集《後生仔傾吓偈》講送禮物。

就到聖誕節,又係時候送禮物給摯親好友以表心意。無綫最新一集《後生仔傾吓偈》3位主持包括馮盈盈 (Crystal)、麥明詩 (Louisa) 同埋陸浩明 (6號) ,以及一班大學生KOL就分享送禮經歷。而送禮物時當然要講埋祝福說話啦,送啱禮物之餘,祝福語都要啱心意先至可以氹得人開心。Crystal今集就示範咩叫「開口夾着脷」,送禮物畀未來奶奶時點樣一秒激嬲對方。

Crystal今集又爆金句。

Crystal原來好識得物盡其用,佢會將Sponsor送贈嘅保健產品轉贈未來奶奶,被6號取笑她「好有心呀!」而Crystal就指大家唔應該將重點放喺Sponsor上:「應該將重點放喺保健產品度,成件事幾開心。要有啲語言偽術,如果話送畀你啲保健產品係Sponsor嘅,聽落去就好差,但係話Sponsor送啲保健產品畀你呀,個感覺咪好好多囉。」果然口甜舌滑識氹人,不過Louisa似乎就唔多buy,仲即時扮演未來奶奶嚟考驗Crystal。

佢教大家用語言偽術氹人。

化身成未來奶奶嘅Louisa話Crystal送保健產品畀佢,即係間接話佢唔夠靚要補補。此時Crystal就乖新抱上身話:「唔係,係想畀你更加滋陰,等你延遲更年期。」大家一聽到佢講呢句即時起哄,Louisa扮奶奶發火話:「更年期?」6號就叫Louisa冷靜,並對Crystal說:「女人最忌諱講更年期呢啲嘢㗎嘛。」Crystal咁講完全係氹奶奶變激嬲奶奶,佢卻依然唔收口咁話:「繼續生,同老爺繼續恩愛啲。」被6號指佢愈講愈錯。

Louisa呢個奶奶被Crystal激到着火。

一齊睇下呢集嘅精彩片段,同埋Crystal啲靚相啦。

+20
+19
+18


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。