陳家樂怕羞認同陳瀅過浪漫聖誕 咁湯怡點算？「兩個都有機會」
撰文：林迅景
出版：更新：
陳家樂今日（12月8日）出席「領展商戶超級伙計全民畀讚」活動，被傳媒問到聖誕節會有甚麼活動時，陳家樂就怕怕羞的說：「工作上應該係陳瀅。（私下呢？）兩個都係工作拍檔，一個拍緊戲，一個拍緊劇，嗰日都要開工㗎啦！其實每年聖誕節都好Lonely，有空虛嘅感覺，覺得咁快就一年，自己工作都唔夠努力，單唔單身都有呢種感覺。」
陳家樂話年年聖誕節都好Lonely。（資料圖片）
聖誕節臨近，到底陳家樂會怎樣渡過？他就表示聖誕節要工作，因為要趕拍TVB劇《廉政行動2019》，即是與緋聞女友陳瀅一起渡過啦。陳家樂接受傳媒訪問時說：「ICAC（《廉政行動2019》）拍到聖誕，本來唔使拍到聖誕㗎，其實係我唔好，搞到劇組要全部同我過聖誕。因為中間夾咗幾個製作，都要搶期，搞到ICAC要拍到聖誕。（聖誕同邊個過？）兩個都有機會。（湯怡噚日先話同你工作中渡過聖誕，你而家又同陳瀅傳緋聞。）係囉，我就嚟冇朋友㗎啦。而家我啲朋友同我收工食個飯，都會傳緋聞，真係驚㗎！（同男仔出街囉）男仔都唔敢吖，驚傳我係...（基？）係囉，有啲特別嘅關係。」
陳家樂表示，自己都好鍾意出Event，因為好多街坊都會叫佢個名，有啲仲會叫佢爺爺，佢話咁樣好親切。（資料圖片）