【飛虎】黃宗澤拍戲夾斷腳掌變「跛Co」 苗僑偉吳卓羲輪流探望

撰文:
最後更新日期:

拍戲時遇上危險場面,除咗一定會做足安全措施,有時要靠後期製作增添視覺效果,唔通拍跳樓戲真係要個演員跳樓咩。不過意外嘅嘢無人想,最近連續幾位藝人拍戲受傷,呢次就輪到正在拍攝邵氏網劇《飛虎之雷霆極戰》嘅Bosco黃宗澤。

最近黃宗澤正忙於拍攝《飛虎之雷霆極戰》。(黃宗澤IG)

12月13日踏入38歲嘅Bosco,最近正忙於拍攝《飛虎之雷霆極戰》,點知呢日就上載瞓喺病床左腳打石膏嘅相片,原來日前拍攝一幕動作場面時,Bosco不慎夾傷左腳腳掌搞到骨折,要入院做手術。Bosco留言話︰「雖然拍攝時出了意外,但是請你們放心,手術非常成功,我會專心養傷,用最快的速度回歸大隊,報答你們對我的愛!」

點知拍攝動作場面時,Bosco意外受傷,左腳要做手術兼打石膏。(黃宗澤IG)

話晒今個星期係生日周,當然一早有唔少慶祝活動,但通通因為Bosco受傷而告吹。本身一班粉絲幫佢搞咗個生日會,壽星仔都無法到場,只能喺醫院同佢地玩直播,show隻「天殘腳」俾佢地睇。好友們好似三哥苗僑偉、吳卓羲、樂易玲等都有到醫院探望。

粉絲為Bosco籌備嘅生日會,最終壽星仔都只能視像直播現身。(黃宗澤IG)

好兄弟吳卓羲都有到醫院探望。(黃宗澤IG)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。