【青春有你】小鮮肉《延禧攻略》五阿哥參戰 網民擔心變偶像派

撰文:鄺鈺瑩
出版:更新:
《偶像練習生》第一季總播放量超過29億,除NINE PERCENT之外,男團樂華七子、ONER、蔡徐坤、朱正廷火速走紅。

內地選秀節目《偶像練習生》第二季正式名命為《青春有你》,並於下月首播。之前有傳導演陳凱歌愛兒陳飛宇亦都有份報名,引來不少網民討論,但陳飛宇好快就否認有關傳聞。而日前,有關方面率先公開100位參賽者,當中有唔少都係已出道藝人,包括於宮鬥劇《延禧攻略》扮演五阿哥嘅陳宥維。

五阿哥真身--陳宥維。

現年20歲嘅陳宥維,2016年於萬人選秀中脫穎而出,之後被公司安排於綜藝節目《超次元偶像》演出,順便磨練下演技、歌舞。陳宥維於《延禧攻略》中飾演嘅五阿哥永琪,出世時因眼睛發黃,被指是「金瞳」險被活埋,幸得魏瓔珞冒死相救,五阿哥自小聰明過人,能文能武,深得乾隆寵愛。戲份雖然唔算多,但由於陳宥維之後喺網劇《雙世寵妃2》CP粉眾多,令他知名度急升。

陳宥維於《青春有你》嘅預告正式曝光。

不過,由於陳宥維已有一定人氣,加上劇接劇,令唔少網民對於佢加入《青春有你》感到十分疑惑,並指參加呢類節目,只會令佢由實力派變成流量小生。

陳宥維因拍劇已有一定知名度,但會否對佢喺《青春有你》更有幫助呢?真係要開播先知。
你可能感興趣