古巨基新專輯《維多利亞》唱出香港悲歌 為創作更去探訪劏房住客

撰文:
最後更新日期:

古巨基新專輯《維多利亞》今日(12月11日)正式發售,昨晚在廟街「美都餐室」更舉辦了一場發佈會,餐室二樓更掛滿了多張充滿懷舊色彩的封套照片。基仔在發佈會上表示,這張全新專輯旨在「音樂紀錄香港」,將所見所聞,用音樂、文字、照片紀錄下來。在發佈會上,基仔更十分搞笑的說:「因為古太唔畀我食嘢,所以我就揀喺有嘢食嘅地方搞,我就可以有得食!」

基仔今次專輯得五首,但係首首歌都咁正。(陳順禎攝)

古巨基接受《香港01》訪問時解釋:「其實我唔係好肥,但係佢(古太)又驚我上鏡圓,後面又有音樂會,咁咪開始管我啲飲食囉。(佢嫌你肥?)佢唔係嫌我肥,係驚我圓,但係佢自己就食得狼過我,哈哈,但係冇辦法啦,佢一句講:『你要上鏡我唔使吖嘛!』咁就KO咗我。」說罷,基仔拿起枱上的菠蘿油又咬了一口。

基仔揀懷舊冰室其實別有用心,因為新專輯以舊式曬相封袋作包裝,而冰室亦與專輯概念「十分之夾」。咬住菠蘿油,再飲啖紅豆冰寧舍有Feel!(陳順禎攝)

基仔特別為專輯紀錄了一系列香港的故事,並將片段收錄於專輯內。問到他哪一個故事給了他最深印象,基仔說:「探訪劏房嘅住客,想聽多佢哋心聲。你去到現場見到,一個人如果喺嗰度(一個40呎單位)住7年,可以幻想下會點嘅感受。」基仔更說,其實自己在小學二年級前,也是住在板間房內的:「當年我哋住嘅板間房,除咗板間房之外,仲會有個小地方,有張飯枱,有個公家地方,就係公家用㗎啦。」

《太空艙》一曲就正是唱出了住在劏房、太空艙或板間房的無奈以及壓抑。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。