【大帥哥】洪永城殺人唔貶眼變笑位 網民:成套劇最好笑呢幕

撰文:鄺鈺瑩
出版:更新:

《大帥哥》開播後評價好壞參半,不過在搞笑位方面,就有不少網民大讚,尤其是疑似參考Tamama設計的馬炭(洪永城飾),角色設計一樣咁衝動。雖然洪永城多次被網民指他做旅遊節目比拍劇更好,不過《大帥哥》後,相信喜劇方面可以繼續多加發展。

呢一個鏡頭其實係想交代洪永城眼中見到嘅蔡思貝被麥先根脅持,但就唔知點解拍到好似有眼疾咁。

就好似昨晚(10號)嗰集,劇情講到沅婉(蔡思貝飾)被麥先根(彭懷安飾)脅持,正當狄奇(張衛健飾)準備英雄救美之際,馬炭(洪永城飾)突然搶位,一聲咆哮之後再撲前,雖然麥先根企圖開鎗阻止,但手部中鎗嘅馬炭十分狼死,拎起把刀係咁捅,鮮血係咁噴。短短唔到兩分鐘嘅殺人唔貶眼戲份,睇得出洪永城真係好用力咁去交戲,而喺佢咆哮嘅時候,仲清晰咁見到佢有隻爛牙……

好似有爛牙喎……

麥先根已死,但馬炭仍然唔放過佢,偷偷哋走去斬首示眾。不過,由於電視尺度關係,所以原先血淋淋嘅人頭,最後如大家所見——搵滴血都冇,成個燈籠咁掛喺祿豐鎮……

明明斬首示眾係慘事,但道具組可唔可以用心少少?
+10