劉佩玥視Liza姐為學習對象 希望多嘗試挑戰新事物

撰文:
最後更新日期:

劉佩玥(Moon)今日(11日)出席護膚品牌活動,提到香港空氣污染嚴重,所以自己會選用天然成份的產品以減低對皮膚的負擔。除了注意皮膚健康外,阿Moon稱亦會從飲食方面入手:「我而家牛、鵝、一啲重化學成份嘅腸仔、午餐肉等等嘅加工食品我都唔食啦,盡量低糖、低鹽啦。」

阿Moon說預防三高等問題要由年輕做起,雖然間中可以獎勵自己吃吃快餐,但千萬不要過量,要適可而止。(陳順禎攝)

日前阿Moon聯同一眾《跳躍生命線》演員為張彥博的個人演唱會站台,阿Moon坦言選唱鄭秀文的《上帝早已預備》是有原因的:「我哋兩個(張彥博)都有個共通點就係大家都相信神,佢入行都已經13年,我知佢鍾意音樂都有20幾30年,佢今日可以搞呢個演唱會都係經歷咗所有工作同心情上嘅高低起伏,我曾經同佢講『神唔係要畀一條最快嘅路畀你,而係一條最適合同最好嘅路畀你』,希望佢之後睇重播可以聽到!」

她說Hebe的《小幸運》和Beyond的《喜歡你》都是自己經常唱的愛曲。(陳順禎攝)

阿Moon於七月推出的首本個人文字相集將推出聖誕套裝,她坦言希望有機會再出新書挑戰新的東西:「可能會去吓其他地方,或者除咗文字同相再加其他元素,例如音樂、故事創作等等。」她直言很欣賞Liza姐(汪明荃)經常勇於挑戰新事物:「無論咩階段都好佢都係不斷試緊啲新嘢學緊啲新嘢,我而家係學緊佢,我好想唔係只係重覆做人哋鐘意嘅嘢,而係試吓做我可以做到啲咩。」

阿Moon坦言對自己首本作品集成績滿意,希望能盡快推出新作品。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。