李亞男囡囡隨時出世 與王祖藍影孕照齊曬白滑巨肚
撰文：洪曉璇
出版：更新：
李亞男（Leanne）同王祖藍嘅寶貝女12月底預產期，之前Leanne已經講過為咗爸爸可以陪入產房睇住囡囡出世，決定擇日剖腹生產。大肚嘅日子進入最後倒數階段，呢日佢地就分享早前拍攝嘅孕照，網友大讚好溫馨好有祖藍STYLE呀。
簡單嘅白衫黑褲，已經成為最幸福嘅孕照。（李亞男IG）
近年好多人都會影大肚相，通常比較唯美性感甚至全裸，不過Leanne同祖藍就選擇最為簡單嘅黑白情侶衫配長褲，畢竟幸福本是簡單而平淡，最普通嘅造型更能突顯佢地幾咁恩愛。兩個人深情對望，親親老婆孕肚，仲有祖藍指住個肚好似要同囡囡訓話咁款。
祖藍簡單嘅動作表情已經相當有喜感。（李亞男IG）
最搞笑嘅一張相係Leanne同祖藍各自用對方大肚遮住半邊面，同Leanne合照嘅當然係祖藍個肚腩啦，兩公婆個肚一樣大，亞男喺微博都要講一句：「爸爸的肚子好神奇。」而祖藍就喺IG話：「我都就生，bigbigchannel個friend bigbigtummy ，期待﹗」
亞男同祖藍嘅肚除咗一樣咁大，仲一樣咁白滑喎﹗（李亞男IG）
祖藍都知自己個肚相當有睇頭，笑言自己都就生得啦。（王祖藍IG）
+3