【Yahoo人氣獎】馮盈盈預告台慶頒獎禮戰衣：我諗住搵件樽領着

馮盈盈昨晚（12日）在《Yahoo搜尋人氣大獎2018》奪得今年「圖片搜尋次數最多的香港女藝人」，盈盈坦言可能是因為在TVB台慶上穿得太sharp令自己瘋狂被搜尋：「但係我覺得淨係靠嗰日係唔夠嘅，我post『jeng』圖方面其實係要每日努力持之以恆唔可以放棄嘅！」

盈盈發現自己社交網站上最多人按like的相片都有個共通點：「坦白講大頭啲嘅相，有多啲我嘅樣就真係多啲like嘅，可能大家睇就會睇到，咦係馮盈盈喎！」

上次在台慶穿上透視戰衣令盈盈成功上熱門搜尋，她透露在星期日的頒獎典禮上將會走另一個路線：「又唔會特登要再行性感，不過我又搵唔到樽領衫，本身我諗住搵條樽領嘅有個反差，但係搵唔到住，所以都係有少少low cut喺度嘅。」她笑言大家當晚都會愛靚唔愛命，但自己都一定要準備好暖包。