【大解放】林師傑歐陽巧瑩馬爾代夫裸泳：以後都要坦誠相對
撰文：冼燕珊
出版：更新：
林師傑（Auston）同歐陽巧瑩（Tammy）上月23日結婚，婚前婚後都勁忙嘅佢哋，隔咗兩個幾星期，終於抽到時間去馬爾代夫度蜜月兼慶祝拍拖4周年！兩公婆仲異地大解放，於獨立泳池上裸泳！
林師傑同老婆歐陽巧瑩正在馬爾代夫度蜜月，二人在當地大解放，全身投入大自然。（IG圖片）
林師傑同老婆歐陽巧瑩昨晚深夜，各自在IG上載晒股裸泳相。相中見佢哋喺馬爾代夫獨立渡假屋前嘅泳池裸泳，歐陽巧瑩留言多謝老公完成佢十八歲時嘅心願：「成個2018叉足電，返香港搏殺半個月，一月再出發蜜月（容許我地放肆一下😅呢度實在太正喇 ）。」
忙咗咁耐，終於可以放假輕鬆吓。（IG圖片）
而林師傑就留言打咗歌手鍾舒祺《裸泳》嘅歌詞，「人無邪到最坦蕩才處亂不驚。」所以大家都唔好太心邪，佢仲發表對老婆嘅愛的宣言，「以後都要坦誠相對，路至會行得遠。4週年快樂。」身處馬爾代夫的林師傑，回覆《香港01》，指原來這張靚相是從短片中截取出來的，「因為嚟緊我哋honeymoon 去好多地方，所以就買咗部航拍機，覺得嗰個moment 好開心，大家可以咁坦誠相對，當刻好無壓力，好想有一嘢樣，可以紀念嗰個moment。希望將來有小朋友，可以畀佢哋睇我哋係一對點樣嘅夫婦。」
二人圓婚大半個月先有時間去旅行。（IG圖片）
更多兩公婆結婚靚相：
+11