【大帥哥】張衛健老虎狗真名叫亞妹 榮登「最佳非人類演員」

撰文:
最後更新日期:

張衛健主演的TVB劇集《大帥哥》播出以來,收視和口碑相當不俗,首集《大帥哥》7天跨平台平均收視更有28.5點,成為2018年最高收視的二線劇集。在內地,截至《大帥哥》第五集已達一億播放量。換言之,該劇在中港兩地反應都相當熱烈。劇中除了有「型到噴汁」的張衛健成為全劇焦點外,蒙大同送給狄奇(張衛健飾)養的老虎狗「少帥」也十分搶鏡,受到網民熱捧,更被推薦拿「最佳非人類演員」!

「少帥」真係好乖!(微博圖片)

劇中的「少帥」是蒙大同的契仔兼命根,因此封牠為少帥,官階比狄奇更高。而「少帥」亦是蒙大同送給狄奇榮升昇威鎮大帥的賀禮,安排「少帥」鎮守,讓大家「見牠如見蒙大同,待牠如待蒙大同」。而劇組是透過犬隻訓練導師Ringo找到「少帥」的,而Ringo就是專找各類型寵物參與拍攝用途的中介。Ringo接受《香港01》訪問時向我們介紹「少帥」:「牠原名叫亞妹,今年6歲,係女仔嚟!亞妹十分友善同親人,電視城上上下下都鍾意佢。而佢嗜好就係超為食同貪玩,一見啲波就好興奮。亞妹之前都有接受過訓練,家中還有一位哥哥。」

而且勁得意!(電視截圖)

Ringo讚亞妹相當醒目! (受訪者提供)

+22
+21
+20

Ringo還透露原本「少帥」一角並非由亞妹飾演:「『少帥』其實用咗兩隻狗拍,因為角色係要用一隻男仔去飾演,而第一隻因為脾氣太大,在場任何人都不能夠掂牠,張衛健見會影響進度,於是就叫導演叫我揾個另一隻取代替。原先用開嗰隻老虎狗,因劇情需要狗狗要識睇指令叫,於是我就問咗另一隻性格温順老虎狗主人,主人答應之後就推薦亞妹代替之前嗰隻男仔拍『少帥』一角。」

係咪好型先? (受訪者提供)

「少帥」真名叫亞妹,劇中都有好多戲份,好搶鏡!(受訪者提供)

點撃下圖睇更多亞妹寫真!

+4
+3
+2

雖然亞妹曾參與電視劇《四個女仔三個Bar》,但當時亞妹並未學慬看指令後吠叫,但經過Ringo訓練後立即學識:「當亞妹要入電視城開工時,我趁得閒就帶亞妹去古裝街訓練,只係用咗20分鐘教,佢就已經學識。佢真係好聰明,當時主人見到都覺得好愕然,估唔到佢咁快學識,其實是因為亞妹天生為食所以好快學識。」

亞妹係明星狗,但因主人工作性質不能露面,主人話會考慮開fans page!(受訪者提供)

眾所周知,未滿15歲小童星每日工作限8小時;亦規定不得在每個上課日子受僱超過4小時,晚上7時後不可繼續工作等。問到寵物有沒有工時,Ringo稱:「其實是自己定出每天拍攝只能6個小時內,盡量不能過半夜12點。至於人工方面不能透露絕對是一個合理價。(點先可以入行?)可以將狗仔嘅資料Send俾我哋公司。」

亞妹主人快啲開fans page啦! (受訪者提供)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。