【鬢邊不是海棠紅】于正改編爆紅BL小說 黃曉明又做霸道總裁?

撰文:鄺鈺瑩
出版:更新:
黃曉明對上幾部劇《上古情歌》、《琅琊榜之風起長林》、《你遲到的許多年》都唔係好收得,不過無阻于正起用佢做男主角嘅決心。

早前有消息指于正將開拍《延禧攻略》姊妹劇,並取名為《盛唐攻略》,但結果于正今日現身橫店時,就宣佈即將開拍改編網絡小路同名新劇《鬢邊不是海棠紅》,並由黃曉明擔正,而製作班底則由《延禧》原班人馬負責。

《鬢邊不是海棠紅》雖然已經舉行開機儀式,不過預計明年先正式進行拍攝

《鬢邊不是海棠紅》於2010年開於被連載,故事以民國為歷史背景,講述商細蕊(將由內地演員尹正飾演)生於京劇世家,幼年被販賣入水蜃樓戲班,被班主收到義子,商細蕊為學藝吃盡苦頭,但由於是百年難遇的人材,故深得班主器重,成名後,商細蕊由小生轉為花旦;而黃曉明飾演嘅程鳳台,因曾在外國生活,故見識甚廣,故事講佢由於父母雙亡,為重振家業而娶妻生女,婚後成了富商,喺一次偶然機會下,睇到程鳳台嘅演出,自此對京劇入迷,並開始幫助對方重建水雲樓戲班,過程當中,兩男相敬萌生愛意……難怪有網民指係《霸王別姬》劇集版。

尹正之前開始留長頭髮,似為新劇做準備。但開鏡儀式上,佢又變返短髮。
31歲嘅尹正,之前喺《王牌對王牌》中曾經模仿張國榮而引起網友討論。

《鬢邊不是海棠紅》於豆瓣的評價甚高,有9.3分,之所以咁受歡迎,相個係因為故事當中包含了無限嘅BL,之不過,近年內地嚴禁BL劇情,所以于正喺開鏡儀式上,講到明電視劇「沒有所謂的社會主義兄弟情」,暗示符合中國官方審查標準,並不會出現男男愛情線。之前一直有傳男主角將由流量小生朱一龍同陳偉霆擔任,如今換上人夫黃曉明,同拍劇經驗唔算多嘅尹正,網民都表示期待。

劇迷對于正嘅作品都充滿信心,而佢自己亦喺微博拍用了一年時間同編劇將故事改編成「我們想要的樣子」。