【萬千星輝】馮盈盈何廣沛奪「飛躍進步」 FYY:覺得自己未夠班

撰文:
最後更新日期:

恭嘉何廣沛和馮盈盈獲得《萬千星輝頒獎典禮2018》的「飛躍進步男藝員」和「飛躍進步男藝員」獎!何廣沛今年已經是第二次奪得「飛躍進步男藝員」,上台得獎時只見他眼濕濕:「多謝公司頒呢個獎畀我,多謝公司培機會,我好感恩,好感激公司安排咗好多前輩畀我偷師學習,佢哋教我做演員應有態度,好多謝屋企人,好多謝同過我嘅監製,我仲想喺度多謝同我同一齊嘅第26期藝員訓練班嘅同學,仲有導師鄭丹瑞,旦爸,多謝你!」

(電視畫面)

而2016年香港小姐冠軍馮盈盈在宣布時候表現非常驚訝,接過獎座之後更打趣謂:「唔好意思呀,我一直以為自己唔會拎,仲諗住一陣去廁所,因為我覺得自己未夠班。所以我好多謝一直畀機會我嘅人,我覺得自己未夠好,亦都有好多進步空間,所以嚟緊我要努力進步先至證明我值得呢個獎!我亦都覺自己表演未合格,所以好多謝我嘅拍擋carry我。多謝公司,但我而家都係覺得受寵若驚。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。