【萬千星輝】何廣沛勇奪「飛躍進步男藝員」 無印象攬過朱晨麗?

撰文:趙允琳
出版:更新:

何廣沛今日(16日)在《萬千星輝頒獎典禮》以大熱姿態奪得「飛躍進步男藝員」,他直言在說得獎感言時還有五個人未多謝:「《財神駕到》嘅黎耀祥、單立文啦、《律政強人》嘅方中信同埋廖啟智,佢哋四個都好重要,喺我戲份開始重嘅頭一兩部戲佢擔當一個好重要嘅角色,亦都要多謝啟華哥(吳啟華),佢喺《女人俱樂部》挑選我做佢嘅後生版,呢五位前輩係開拓咗我演藝事業嘅第一步!」

何廣沛稱五位前輩在他還是「一舊飯」的時候教導了他很多東西,他現在有這樣的成就一定不少得要感謝他們。(梁碧玲攝)

廣沛笑稱所有要多謝的人都是男人,但都有很多女拍檔要一一感謝:「江嘉敏、馮盈盈、劉佩玥、Morning朱(朱晨麗)我每個都想多謝。」緋聞女友朱晨麗在廣沛一得獎就上前攬住他,廣沛笑稱完全沒印象:「頭先有邊個有攬我都唔記得!實在緊張,個腦有少少空白,有少少腳步浮浮驚會仆親,嗰刻真係好緊張!」

 

廣沛稱朱晨麗是與他合作過的女拍檔中最有火花的。(梁碧玲攝)
+3