鍾欣潼（阿嬌）同台灣「醫界男神」賴弘國今年5月喺美國舉行百萬浪漫婚禮，而喜酒就定於12月20日在香港補辨，為咗做靚靚新娘子，阿嬌一個月開始進行地獄式減肥，並拍攝成短片「阿嬌婚前減肥日誌 」。
DAY 1 : 阿嬌以花膠湯調理身體同補充力量，當時體重112磅嘅佢，目前係減到99磅左右：「最近開始控制胃口，食肉同菜，我唔想減得太清，因為太清可能飲宴嗰啲一飲就醉，但就唔飲甜同戒澱粉質，加上運動。」阿嬌話靠運動加上控制胃口，兩日已經踢走5磅。 DAY 2： 做完重量運動，最緊要拉筋，不過阿嬌都建議大家「量力以為，唔好迫得自己太盡」 DAY 3： 雖然係減肥，但阿嬌就話唔好比自己有餓嘅感覺，亦唔好餓住去瞓。「我尋日食咗雞脾，唔好食皮」咁減法真係得？阿嬌話體重都有下降。 DAY 5： 唔想有胃腩的話，食嘢要食慢啲。 阿嬌做緊呢組係叫superset，專門收拜拜肉同鬼崇肉。 DAY 6 ：老公賴弘國要出差10日，阿嬌本身想做跟得夫人，不過佢就話因為要做運動，所以放棄呢個念。仲話「想佢返嚟見到好瘦嘅我」 DAY 7： 「我做運動都係因為佢」呢個真係一個好好嘅理由 DAY 8： 減得咁辛苦，阿嬌當然要對自己好啲，佢仲話前日喺北京食咗隻北京烤鴨，返港後，再整多個韓式拌飯、辣牛肉湯、餃子同餡餅……教練聽到，要佢一次還返晒。 DAY 9 ： 雖然阿嬌唔戒口，但有啲嘢佢都唔會食－－零食。 DAY 10： 呢組動作主要係減patpat、大脾同下腹。 DAY11： 經過十日唔戒口嘅地獄式減肥，阿嬌正式宣佈：手臂幼咗！！ 不過同時佢話自己尋晚食咗個撈麵，佢真係可愛到暈…… 健身教練表示呢氣繩有成8KG重，減手臂一流，如果想增強效果，就要好似阿嬌咁著長袖衫。 DAY12： 做呢SET動作一定要掂地同貼近心口，蹲下呢個動作係收patpat，而起身動作就可以收手臂同肩 DAY 13： 雖然阿嬌話手臂幼咗，但包包面仍然，原因係：食太多濃味嘢，搞到水腫。 DAY 14： 有網友留言指阿嬌愈減愈肥，不過佢就話唔會介意，因為佢呢日返公司，大家都讚佢塊面瘦咗。 DAY 15： 由於要宣傳新歌，所以阿嬌連食飯時間都無。晚餐主要係肉同菜。 DAY 16：因為就快要試婚紗，所以要加強收手臂、肩、大腿同臀部等動作， 教練仲好好咁獎勵阿嬌食朱古力補充能量。 DAY 17： 相個呢句說話可以令阿嬌減多10磅。 DAY 19： 阿嬌之前做呢個動作時，因為條腰太硬令佢好辛苦，但見佢愈做愈順，睇嚟都真係下咗唔少功夫。 除咗有老公陪之外，阿嬌呢日仲有班中學同學「突襲」同佢搞bridal shower。 婚禮進入大直路，雖然阿嬌話仲有拜拜肉，但都肯以背心示人，咪就真係因為瘦咗好多囉。