【後生仔傾吓偈】麥明詩熱愛於家中天體營 馮盈盈:試過差啲出事

撰文:
最後更新日期:

麥明山比麥明詩大三歲,畢業於香港中文大學醫學院,現為醫生一名。

最新一集《後生仔傾吓偈》搵嚟麥明詩長兄麥明山(Vincent)做嘉賓,難得現真身,當然要問下佢十優港姐喺屋企有咩怪僻。麥明山一開始都答得好保守,話麥明詩比較靜,之不過,轉個頭佢就話:「屋企明明有工人姐姐,但都幾恐怖,我睇過一個研究,話啲屋企愈亂嘅人,愈有愛心同創意,佢應該係我見過最有愛心嘅人,其實你睇佢㗎車都知,明明係5人車,但就只係可以坐得1個人。」講到呢度,麥明詩都無力反駁,而曾經係乘客嘅陸浩明同馮盈盈都表示十分認同。

佢話麥明詩外表女性,但內裡十分強悍。

麥明山繼續爆料,指麥明詩除咗平時愛將隱形眼鏡丟到洗手盆之外,夏天時仲會打大赤膊通屋走,到底所謂打大赤膊係咪好似天體營咁呢?麥明山就好緊張咁話唔係,但就冇再加以解釋,而麥明詩就即時指出:「我好過盈盈,有着底褲。」又係時候回帶,FYY曾經喺節目話自己有裸睡習慣,並自爆會喺房除晒內衣褲大解放,有時落街買嘢,仲會用厚衫遮掩自己嘅真空……而呢日,當大家講起呢個話題時,FYY就補充:「屋企冇男仔時就會把握機會,完全未試過出事,不過有次除晒衫走入廁所沖涼,沖完之後聽到媽媽話叫6人份pizza,話因為細佬帶咗朋友返嚟玩,好在佢哋無出房,唔係就出事。」莫非港姐都係咁open?
 

而呢位強悍女子,夏天仲會喺屋企天體營……

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。