【深宮計慶功】陳煒攞獎請食飯 暫冇追求者:我要吊深海龍躉㗎!

撰文:
最後更新日期:

早前陳煒憑《宮心計2深宮計》中的太平公主奪得「最受歡迎女角色」,而同劇的馬國明亦憑同劇的任三恕奪得「最受歡迎男角色」。劇集雙喜臨門,煒哥決定掏荷包請客,宴請一眾勞苦功高的幕後,包括監製梅小青、方俊華等,煒哥說:「因為無佢哋我哋都攞唔到獎。」

 

《宮心計2深宮計》一眾台前幕後,麥玲玲都有嚟呀!(陳順禎攝)

離婚新聞被翻炒


自煒哥得獎之後,傳媒界出現數之不盡的報導去回顧她的演藝事業,但煒哥2012年離婚的事又再被翻熱,問煒哥會否因此而有所感觸?她笑言:「其實都無可避免,因為記者朋友都鍾意,或者係唔知問我啲咩嘅時候都會問,咁我都只係輕輕帶過,有時我講咗都唔知會變咗做標題,希望大家可以將個焦點放喺我嘅演藝事業上面啦!」既然煒哥希望繼續在演員之路積極發展,哪下個目標又是否「視后」呢?她說:「我而家手頭上面,加埋拍緊嘅《法證先鋒IV》,總共有四部劇未出街,(哪個角色最有信心可以問鼎視后?)產量大,所以希望個命中率會高啲,不過都係隨緣啦!」

除了《法證先鋒IV》,煒哥還有《多功能老婆》、《好日子》和《福爾摩師奶》合計4部劇在手。(陳順禎攝)

忙到無時間理感情事

其實煒哥近年工作非常頻繁,即使得獎後仍未言「加價」,實行繼續密密做:「我好平㗎!」不過工作太忙,要重投愛情路的話實在分身不睱:「今朝又開外景,噚晚又開緊廠,同埋而家我希望答謝晒身邊啲朋友先,(有追求者?)無喎⋯⋯我要吊啲深海龍躉㗎嘛!」

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。