【深宮計】馬國明學蕭正楠宣布結婚? 心穎:千祈唔好

撰文:
最後更新日期:

無綫劇集《宮心計2深宮計》包攬了《萬千星輝頒獎禮2018》上的「最受歡迎男/女角色」,陳煒決定掏荷包慰勞劇組。不過馬國明都毫不吝嗇:「原本係打算夾嘅,不過煒哥話係呢間酒樓嘅代言人,用咗個靚價去請客,所以今晚餐飯就畀佢埋單,咁我就現場拎啲現金出嚟畀大家抽,(你再搞一次?)如果大家係開心嘅,我無所謂㗎。」

馬明除了「預設現金獎」之外,即場慶起又掏荷包加碼再抽,煒哥亦不甘示弱,兩人全晚合計掏了大概2萬元現金獎畀工作人員抽。(陳順禎攝)

抽中現金獎要罸雙倍?

其實今日黃心穎亦有出席,更偕男友馬明一齊受訪,問到馬明會否在抽獎時出術令心穎中獎?豈料心穎搖頭說不:「其實你哋知唔知呢,我哋(藝人們)抽中獎嘅話呢,係要雙倍攞返出嚟再抽過㗎!(點解?)通常......」馬明補充謂:「通常我哋都希望幕後人抽到啦,因為始終幕後辛苦啲,(時常發生?)係呀,成日都攞返雙倍出嚟!(倒不如直接放棄?)咁又唔得,」心穎又再為馬明補充:「咁抽到都係開心,係幸運㗎嘛!我哋都想加碼送個好運畀人!」

馬國明、陳煒分別在奪得〈最受歡迎男女角色》,昨晚更同一班台前幕後一齊慶祝。

見蕭正楠求婚驚喜過攞獎

記得在頒獎禮當晚,與曹永廉一起奪得《最佳電視拍檔》的蕭正楠一席「愛的宣言」公開與黃翠茹的夫妻關係成為全晚焦點之一,問馬明為何今天阿蕭不見踪影?馬明打趣謂:「而家好忙㗎個衰仔,好多結婚嘅嘢要搞,不過嗰晚我真係好驚喜,仲驚喜過我自己攞獎!咁當時我又唔係聽得好清楚,以為佢係求婚,再三追問先知係註咗冊!我就比較遊魂啲!(會否仿效阿蕭?)要安排吓,不過無諗過!」心穎在旁小聲說:「千祈唔好。」馬明繼續說:「要安排到好似佢哋咁靚又好難,(求婚?)真係無諗過,我諗我哋嘅秘密武器係唔宣布!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。