MIRROR演唱會前夕壓力爆煲 花姐:直情匿埋喺後樓梯唔敢見佢哋!

撰文:
最後更新日期:

花姐表示MIRROR的表現雖然還是有點小瑕疵,但以第一次開演唱會來說表現已經相當不錯。

ViuTV真人show《全民造星》選出的12人男子組合MIRROR昨晚(21日)於九展Star Hall舉行首個演唱會《2018 THE FIRST MIRROR LIVE CONCERT》,監製兼經理人花姐(黃慧君)表示就像夢一樣:「我幾個月前做《全民造星》呢個節目,冇諗過幾個月後佢哋可以做一個演唱會,我自己都唔係好相信!」

花姐稱覺得Stanley、Anson Kong和Jer在演唱會上的表現最令她滿意

花姐坦言臨近演唱會自己壓力爆煲失眠了好幾日,更要在一班囝囝面前「扮無事」:「今日我嚟到又唔敢話畀佢哋聽我好緊張,跟住我就詐病一路搵個口罩遮住自己,就係唔想畀佢哋睇到我個樣,我好驚我自己緊張又會影響到班囝囝。開場之前我直情匿埋喺後樓梯唔敢見佢哋!」

MIRROR幾時會再有下一場演唱會?花姐:「我希望㗎!我希望快啲搞第二次演唱會㗎!我目標希望情人節有一個mini concert!」

花姐表示親眼看見12個囝囝登上舞台時令她不禁有點眼濕濕:「《無盡》嗰個位令到我好感動,因為《無盡》嘅歌詞就好似講緊佢哋喺度努力,同埋佢哋呢幾個月不眠不休,有一啲怨言都冇,今日嘅成果係佢哋應得嘅。」

短短時間就能夠把12個寂寂無名的男生打造成新一代的偶像團體,覺得自己算成功了嗎?「我冇諗過呢個係唔係一個奇蹟,我覺得香港好耐冇一個咁香港嘅男子組合,其實對觀眾嚟講都係一個刺激,我覺得第一步我哋行得好好,一定要繼續保持繼續進步!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。