【機場特警】再與蔡思貝王浩信合作 張振朗:同Ali拍多次就正!

撰文:
最後更新日期:

張振朗昨晚(21日)出席電視劇《機場特警》殺青飯聚,他透露大部份演員都在昨天拍攝的浩園場面中殺青,以悲傷來結束整部劇的拍攝,感覺很搞笑。他稱整部戲的拍攝過程雖然很艱辛,亦受了不少傷,但振朗表示很不捨得:「完嘅時候有一種,唉冇得再著起嗰套制服,會有少少覺得好懷念!」

張振朗、蔡思貝、楊明及湯洛雯等一眾《機場特警》演員昨晚(21日)出席殺青飯聚。(葉志明攝)

會不會再想拍其他制服團隊的劇?他笑稱:「學生哥吖不如下次試吓!未試過嘅學生哥,呢套入面都有一次fresh grad嘅!(但之前畀人話你大叔扮學生喎!)哈哈,係呀逆齡吖嘛!咁咪整套《逃學威龍外傳之大叔》嗰啲囉!」

 

張振朗指與蔡思貝在戲中的關係就像好兄弟一樣,跟兩人現實的關係亦很相似。(葉志明攝)

張振朗在劇中有多場騷肌場面而要努力操肌練大隻,他坦言最近已經有點身材走樣:「三個月前我都好fit嘅,三個月後就已經冇晒!每日都燒走咗好多肌肉,我又冇時間去做gym,所以瘦返好多喇對比開頭。」

 

張振朗稱拍完《機場特警》終於可以休息9天,過個開心的聖誕節!(葉志明攝)

振朗與蔡思貝在戲中飾演一對關係曖昧的好朋友,他坦言現實中二人自從合作《踩過界》後就變得非常friend就像兄弟一樣:「我成日都講,如果佢係男仔嘅話,佢就好似謝東閔咁。」他透露自己在下套劇《極度怪咖》又將會與《踩過界》的好兄弟王浩信團聚:「好開心,《踩過界》同思貝之後我又可以同佢合作一次喇,跟住依家我又可以再同浩信再來一次,應該仲爭Ali(李佳芯),如果可以再同佢拍多次咁就正喇!」

 

張振朗、蔡思貝、楊明三人老友鬼鬼。(葉志明攝)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。