【鋒味】謝霆鋒被問婚姻狀況勁尷尬 工作人員聽完答案係咁笑

撰文:
最後更新日期:

向來都對感情事十分低調嘅謝霆鋒,喺最新一集《鋒味》,同宋茜一齊去到捷克一個婆婆嘅屋企進行美食交流,呢位婆婆當年因為愛上捷克男,於是由北京嫁到當地並順勢移居,霆鋒同宋茜為婆婆下廚煮出家鄉味,令婆婆十分滿意。席間婆婆突然問霆鋒:「你結婚了嗎?」佢即時倒抽一口涼氣,表示仲未結,婆婆再問多次,霆鋒仍然係話未,但身邊嘅工作人員就係咁偷笑。

霆鋒被婆婆突如其來的發問嚇窒。

婆婆深信霆鋒未婚,就話:「那就好。」霆鋒係咁點頭表示認同,婆婆隨後叮囑在場嘅所有人,要好好保護自己嘅老婆或者老公,並慨嘆到老時只有一個人是孤獨的,「只有你們的老伴,才能讓你們心裏頭安靜,真的。」霆鋒聽完婆婆一番話之後,突然有感而發表示︰「她忠告我們一定要珍惜我們身邊的人,能夠珍惜的時候就珍惜,但是要放的時候,也真的得放。」

到底霆鋒口中嘅「珍惜」同「放」可以套用喺邊兩個人身上呢?都唔需要多講啦。

霆鋒話自己未婚,工作人員即時偷笑。「你看這個人,多壞。」你對婆婆講大話,咪仲壞。

講情事,當然要chok啦。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。