馮盈盈開名感謝巴打支持 真心震撼網友心靈:我愛FYY

撰文:
最後更新日期:

FYY剪咗個新髮型,不過網民友評價麻麻。

馮盈盈不時成為討論區話題人物之一,由MK港姐,變成貼地、大叔系女子,完全成功逆轉網民對佢嘅觀感。甚至曾經有巴打在FYY的facebook專頁留言,話要賞賜一個帳號畀佢,好讓FYY同巴打絲打互相較量一番。雖然FYY婉拒了大家嘅好意,但其實佢一直都留意自己喺討論區嘅話題。
 

FYY做找數真漢子,開埋live並列出討論區網友id,感謝眾人過往嘅大力推舉。

FYY早前首次被提名即獲「飛躍進步女藝員」,日前佢就特意開live,並寫出8個討論區id,FYY表示:「其實呢幾位網絡打手,我冇比錢佢哋,但佢哋都好熱烈咁幫我同節目推post、吹奏我哋,全靠佢哋先有咁高熱度。」FYY表示其實仲有好多網民想多謝,但由於不能盡錄,唯有等下次佢得獎時再開live。
 

直播同時錄影,FYY拎住個紅蘿蔔係咁搖,仲話紅蘿蔔「動L」。

FYY呢個小小嘅舉動,即時震撼兩登討論區,雖然有網友指FYY感謝名單有錯,亦有網友問點解冇自己份,但絕大部分網友都高呼「我愛FYY」並表示「期待約戰」,最好笑係有人懷疑FYY列出嘅8個ID,背後都係由佢自己操控。其實除咗感謝名單之外,FYY呢個live玩埋煲湯,一拎起個紅蘿蔔即時大講甜嘢,連六號都無眼睇。
 

湯嘅味道唔重要,最重要係FYY嘅心意同誠意(好似係)。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。