【3日2夜】胡美貽被網民質疑比較豐滿:係陳婉衡瘦得濟啫

撰文:
最後更新日期:

冬天睇《3日2夜》,真係帶畀觀眾溫暖。(資料圖片)

周六晚(12月29日)播出的《3日2夜》峇里篇有陳婉衡(Alycia)、胡美貽(Nicole Wu)做主持帶觀眾上山下海遊覽一番。提起陳婉衡(Alycia),就會好自然聯想起比堅尼、陽光與海灘和健身,當然《3日2夜》峇里篇並不會有主持教大家健身,但前兩項提到的活動一點也不少。在寒流襲港(播出時氣溫約15度)下,看著兩位女神着上比堅尼玩水上活動,再去潛水,實在別有一番樂趣。

胡美貽(Nicole Wu)係第一次拍《3日2夜》,唔少觀眾都覺得好睇。(資料圖片)

+13
+13
+13

雖然大多數網民的焦點都集中在2位主持的身材上,但其實節目中的對話都十足有趣,就算不看畫面而只是聽聲,都能感受到她們的歡樂。以下對話出現在《3日2夜》峇里篇第二集中,陳婉衡、胡美貽一同乘坐水上橡皮艇的部份。

胡美貽:我要上路啦!
陳婉衡:Byebye。
胡美貽:準備出發。
陳婉衡:你心情如何吖?
胡美貽:興奮緊張,無法形容。
陳婉衡:我希望唔好翻。
胡美貽:唔知會點呢,我未玩過。
陳婉衡:我都未玩過,所以好期待。
(橡皮艇開始出發)
胡美貽:其實呢個乜嘢嚟㗎?
陳婉衡:唔知,但係我覺得我哋會好嘈。
胡美貽:我成個人都撐住咗。
陳婉衡:唔知前面濕啲定後面濕啲呢?
胡美貽:前面濕啲,後面扽啲囉。
陳婉衡:你寧願扽定濕吖?
胡美貽:我不嬲都濕㗎喎,我寧願扽啦咁。

然後就是無止境的尖叫...透過電視畫面真的能充分感受到乘坐橡皮艇的刺激。

胡美貽呢張相影得真係靚,雖然驟眼睇好似淨係一件喱士,但入面係有打底㗎。真係唔好諗錯嘢。(資料圖片)

節目播出之後,不少網民也表示,比起陳婉衡,胡美貽似乎較為...豐滿。不過胡美貽接受《香港01》訪問時笑說:「哈哈,係佢瘦得濟啫。我都唔覺我係『胖』,喺外國嚟講其實好Fit,其實有少少肉先靚。我同佢幾乎係同一時間改變身形,佢搬屋之後輕左10磅,反而我喺訓練班之後就重左10磅。(拍節目辛唔辛苦?)其實我哋係玩多過做,可能廣東話Level差唔多,所以好多嘢(講稿)都即興,大家睇可能都唔知我哋係度笑緊咩,不過有啲Point都係要記吓嘅,話晒都係做節目。」

2個女仔一齊去旅行,最開心係乜?咪就係可以幫大家影相囉。(資料圖片)

鏡頭後,原來兩位主持在旅程中都互相幫大家拍了不少照片,其中更有一輯的攝影場所是在浴室。陳婉衡接受《香港01》說:「話說我哋去拍嘢嘅時候有機會住Villa,跟住個Villa係勁靚,而個廁所同泳池係勁靚。不過因為個行程好緊迫,我哋大約只有15-20分鐘時間,所以喺呢15-20分鐘入面就互相幫大家影咗呢輯相。你見到我哋一樣係着件喱士衫,不過我哋事前係完全冇夾過,咁啱就着咗差唔多款。」

點解件比堅尼會細咗一個碼?陳婉衡就解釋件比堅尼係喺臨時買。因為出鏡時出面會着多件,所以就細咗一個碼都冇所謂。(資料圖片)

+21
+21
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。