【拾芳】胡杏兒飾演梅艷芳青梅竹馬閨密 自覺與上一輩思想有不同

撰文:
最後更新日期:

電影《拾芳》將梅艷芳與歌迷之間相處的四段真人真事編寫成劇本,並搬上大銀幕,而電影的首映禮就在12月30日,即梅艷芳死忌當日舉行。問到主演之一的胡杏兒對電影的看法,她表示:「《拾芳》係由歌迷自資拍攝嘅一套電影,係歌迷送俾梅艷芳嘅一份禮物,好遺憾我自己入行後都無緣見到梅姐真人一面,今次有份參與呢套電影我真係覺得好有意義。」

杏兒對自己入行後都無緣見到梅姐真人一面表示遺憾,這次有份參與《拾芳》,她覺得好有意義。(梁碧玲攝)

不過,杏兒又覺得自己與所演飾的角色在思想上有相當大的差別:「我嘅角色就係作為梅姐識於微時嘅朋友,明明感情好好但就選擇遠遠支持,因為怕同梅姐行得太近會受到外人嘅閒言閒語,可以睇到主角內心其實有好多嘅無奈同掙扎,同時都反映出上一輩其實普遍自尊心較強,有時會好在意外界眼光,同樣情況換轉係我嘅話就唔會咁做。」

準備踏入2019新一年,杏兒亦為自己定下了一個目標:「希望嚟緊新一年,事業同家庭都順順利利,兼顧得到。」(梁碧玲攝)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。