【後生仔傾吓偈】馮盈盈為見SJ勁頻撲:門票到手後心中只有一個字

撰文:
最後更新日期:

喺FYY世界,買飛原來同精子與卵子結合過程一樣。

近年唔少演唱會都出現「絕望座位表」,令一眾黃牛黨愈養愈肥。最新一集《後生仔傾吓偈》就以「搶飛」血淚史為題,身為韓團Super Junior熱血粉絲嘅馮盈盈,話自己當年為去日本東京巨蛋(Tokyo Dome)見oppa費盡心思。「我托細佬補習老師嘅日本朋友加入後援會,已經用咗一筆錢,之後再要抽飛,結果我中咗山頂之中嘅山頂位。」雖然抽中山頂位,但FYY當時就覺得既然後援會嘅門票都已經係咁,街外人嘅門票應該更惡劣,「點知到公開發售時,周圍都有飛,心中只有一個字……」FYY話臨出發前,有粉絲喺網上討論到底邊一區域先會清晰地見到oppa,而FYY手持嘅山頂位,被形容為「如果係入咗後援會,仲抽到呢個位,真係死咗佢好過。」結果FYY入場後,只見到納米版本嘅SJ。

FYY話之前多得麥明詩帶挈,令佢可以睇到黃子華棟篤笑。

之後FYY聽到一眾後生仔嘅撲飛理論,例如係當全城狂咁F5再成功登入購票版面時,就非常有感而發咁話:「好有精子圍住卵子,想睇下邊個窿可以入去到,好有受孕感覺。」連買飛都可以咁學術性,6號都非常佩服FYY呢位性博士,一眾後生仔亦不停拍手讚好,而FYY亦好認真咁話:「真係喎,你要搵到粒卵子個窿,然後入去。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。