【大帥哥.專訪】徐榮失落頒獎禮 嘆次次做助攻:入波又判唔入

撰文:吳子生
出版:更新:

回顧2017年張衛健(Dicky)獲無綫高層曾勵珍邀請回巢拍攝台慶劇《大帥哥》,當時無綫為隆重其事,在五星級酒店舉行「歡迎張衛健回巢賀壽參演Tvb五十周年台慶劇《大帥哥》簽約儀式」,無綫兩大高層珍姐(曾勵珍)與樂小姐(樂易玲)更親自到場陪伴Dicky走過紅地毯隆重登場,可以說地位超然,當時有指該劇奪獎聲望高唱入雲。

好可惜《大帥哥》劇集在《萬千星輝頒獎典禮2018》中,竟然一個獎項都沒有,實屬意料之外,連一眾有份參演的演員及視迷都大失所望。今次香港01劇場派出「01林源三」與徐榮進行一場大激鬥比賽,雖然在劇中飾演神槍手「羅義」,槍槍彈無虛發,不過這次較量並不是鬥槍法,而是挑戰徐榮射波有幾勁有幾準,據知他有個稱號是「TVb小志強」腳頭都好重。這回真的可以一邊決鬥,一邊談失獎感受,睇下佢有咩讀白,讓大家一齊來解碼吧。

點擊下圖逐格回顧羅義被馬炭槍殺一幕:

+18
徐榮在《大帥哥》劇集飾演神槍手「羅義」,槍槍彈無虛發。

首輪大激鬥射點球分高下,如守方成功撲救射門,徐榮就要接受大懲罰不過經過一輪激戰中,門將勇救險球受傷,賽場腰斬。其實在足球比賽當中,有如人生過程的宿影,會經歷障礙和挑戰,有得有失。徐榮亦不例外,07年憑處境起劇《同事三分親》中裘俊,成功入屋,當年更獲提名《萬千星輝頒獎典禮2007》提名最佳男配角,隨後08年也獲提名飛躍進步男藝員及最佳男配角,最終獎項擦身而過。經過20年漫長歲月奮鬥,劇集徐榮體會最深刻:「其實我哋初入行做跑龍套嘅時候,就好似做後備球員一樣,每當有得落場比賽嘅時候,就會拼死去踢,有時候做後備球員都好想踢正選,但都要自己得㗎。」

 

徐榮:「挑戰⋯好玩唔玩,玩挑戰射波,你知唔知我咩稱號呀,「Tvb小志強呀」,接實呀肥仔。」

徐榮深明道理,如果想踢正選,就要裝備自己,對於今次劇集零獎項,就用足球比喻失落獎項的感受:「講真落得場踢,梗係想贏波啦,好似演戲咁,梗係想套劇攞獎,在我哋隊波當中,我哋有強勁嘅前鋒,張衛健就係我哋嘅頂級前鋒啦,又有中場中洪永城及蔡思貝睇住個中場,負責分波策動攻勢,我就同李嘉左右兩邊突襲落底線出波助攻,攻擊水銀瀉地,仲好高收視。」

 

徐榮認為個人球技有多好,每場比賽很需要大家共同合先可以贏每場比賽。

但對於《大帥哥》一個獎項都沒有,徐榮就有以下一番解讀:「今次嘅比賽落敗原因,可能係時間唔夠,球證又唔補時,明明波入咗底線,佢又判唔入,嗰刻真係有啲唔憤氣,不過都睇化啦!所以話有時球證嘅角色都好重要,可以話錯失咗奪冠嘅機會,係輸球證,雖然今次落敗,但唔等於事情到了終結,所以我會重新出發,再組裝自己。」在劇中羅義角色戲份又重但又得唔到關注,又是什麼原因?徐榮坦言:「我都好想人去關注,下下我助攻,冇人交波畀我,又冇得射波我又點會被人關注呢。」

 

人生總會遇到挫折,徐榮仍會堅守崗位,迎難而上衝破困鎖。

有「Tvb小志強」之稱的徐榮年紀40加4,但落場踢波一樣咁有火,一啲都唔輸蝕啲後生仔,仲好跑得又射得,原全感受到對演藝事業上個團火。


場地提供:車路士足球學校
特別嗚謝:梁錦輝教練

徐榮笑看人生
+10
發表評論...